«استانا بالەت» تەاترىنىڭ ءحىىى ماۋسىمىنىڭ شىمىلدىعى «بەيبارىس سۇلتان» سپەكتاكلىمەن اشىلادى. تاريحي-درامالىق شىعارمانى تاماشالاعان كورەرمەن كوركەم حورەوگرافيا ورنەگى, مۋزىكا مەن وتكەن ءداۋىر اتموسفەراسى ۇيلەسىم تاپقان تۋىندىعا كۋا بولادى.
«بەيبارىس سۇلتان» – استانالىق تەاتر افيشاسىنداعى ءساتتى سپەكتاكلدەردىڭ ءبىرى. وندا اۆتورلار جوعارى بيلىككە قول جەتكىزۋدىڭ ارتىندا نە تۇرعانى, كەيىپكەردىڭ تاققا جايعاسۋ ءۇشىن جانە بيلىكتى ۋىسىندا ۇستاپ قالۋ ءۇشىن قانداي قۇرباندىققا باراتىنى تۋرالى وي تولعايدى. بايتاق دالانىڭ بەينەسى جانە وتانعا دەگەن ساعىنىش سپەكتاكلدىڭ لەيتموتيۆىنە اينالدى. قويىلىمدى قويۋعا تالانتتى ونەر قايراتكەرلەرى – كومپوزيتورلار – حاميت شاڭعاليەۆ پەن الىبەك الپيەۆ, ليبرەتتو اۆتورى – اقىن, قازاقستاننىڭ ەڭبەك سىڭىرگەن قايراتكەرى باقىت قايىربەكوۆ, سۋرەتشى-ستسەنوگراف – لەونيد باسين, كوستيۋم سۋرەتشىسى – اسيا سولوۆەۆا, جارىق سۋرەتشىسى – ارسەنيا سافيۋللينا قاتىستى.
ء«بىز جاڭا ماۋسىمنىڭ اشىلۋىنا دايىندىق ۇستىندەمىز, تەاتردا جۇمىس قىزۋ ءجۇرىپ جاتىر. «بەيبارىس سۇلتان» بالەتىنىڭ رەپەتيتسياسىمەن قاتار, جاڭادان قوسىلعان جاس ارتىستەردىڭ سپەكتاكلگە قوسىلۋى دا قاتار ءجۇرىپ جاتىر. بەيبارىستىڭ باستى پارتياسىن جەتەكشى سوليستەر ورىندايدى. سولاردىڭ قاتارىنداعى سۇندەت سۇلتانوۆ پەن ەرقانات ەرماعامبەت ءۇشىن بۇل دەبيۋت بولماق», دەيدى تەاتردىڭ كوركەمدىك جەتەكشىسى نۇرلان كانەتوۆ.
ونەر ۇجىمى قىركۇيەك ايىندا گاسترولدىك باعدارلاماسىن جوسپارلاپ وتىر. 12–14 قىركۇيەك ارالىعىندا قوستاناي تۇرعىندارى «كارمەن-سيۋيتا» جانە «تاعدىر بۇلتارىستارى» ءبىر اكتىلى بالەتتەرىن, سونداي-اق « ۇلى دالا مۇراسى» ۇلتتىق ديۆەرتيسمەنتىن تاماشالايدى. ال 20 قىركۇيەكتە 19 جىلىن بالەت ساحناسىنا, ونىڭ 8 جىلىن ءبىزدىڭ تەاترىمىزعا ارناعان فارحاد بۋريەۆتىڭ بەنەفيسى وتەدى. 27 قىركۇيەكتە سيمفونيالىق وركەستر «ەسىمدەر. Double Concerto» كونتسەرتىن قويادى.