الماتىدا جاستار ساياساتى باسقارماسىنىڭ قولداۋىمەن «Jas Camp» جاستار لاگەرى جۇمىسىن باستادى. بيىل لاگەرگە 100 قاتىسۋشى ىرىكتەلىپ الىنعان. ولاردىڭ قاتارىندا ستۋدەنتتەر, كوميۋنيتي ورتالىقتارىنىڭ رەزيدەنتتەرى, ەرىكتىلەر, جاستاردىڭ ەكولوگيالىق قوزعالىستارىنىڭ وكىلدەرى جانە NEET ساناتىنداعى جاستار بار, دەپ جازادى Egemen.kz.
بەس كۇن ىشىندە قاتىسۋشىلار كوشباسشىلىق داعدىلارىن دامىتىپ, الەۋمەتتىك جوبالار جاساۋدى ۇيرەنبەك.
لاگەر باعدارلاماسىندا ترەنينگتەرگە, شەبەرلىك سىنىپتارىنا, فاسيليتاتسيالىق سەسسيالارعا, ۆوركشوپتارعا جانە ءتۇرلى مادەني ءىس-شارالارعا قاتىسۋعا بولادى. تالىمگەرلەر مەن ساراپشىلار اراسىندا تانىمال جاتتىقتىرۋشىلار اسحات ءابجانوۆ, كاميللا اكىمبەكوۆا, جانەل ساريەۆا, دانا شاياحمەت سەكىلدى ماماندار بار.
«Jas Camp-بۇل جاي عانا ءبىلىم بەرۋ الاڭى ەمەس, جاستاردى وزدەرىنىڭ شەشىمدەرى مەن ارەكەتتەرى ءۇشىن جاۋاپكەرشىلىككە ۇيرەتەتىن كەڭىستىك. جوباعا قاتىسۋشىلار كۇن سايىن كوماندالىق ءتۇرلى جاتتىعۋلارعا قاتىسادى,قوعامداعى جەكە ءرولدىڭ ءمانىن تۇسىنەدى, قالاداعى قۇندىلىقتاردىڭ ماڭىزى جانە بولاشاق تۋرالى پىكىر تالاستىرادى. مۇندا ەكولوگيالىق مادەنيەت پەن جاستاردىڭ دامۋىنا ەرەكشە كوڭىل بولىنۋدە», - دەيدى الماتى قالاسى جاستار ساياساتى باسقارماسىنىڭ باسشىسى ءازيز كاجدەنبەك.
ۇيىمداستىرۋشىلار اتاپ وتكەندەي, ءار قاتىسۋشىنىڭ رۋحاني ءوسۋى, كوشباسشىلىق قاسيەتتەردى يگەرۋى ولاردىڭ الداعى بولاشاعىنا تىڭ سەرپىن بەرەدى. جاستار جاۋاپكەرشىلىكتى ءوز موينىنا الۋعا, بولاشاق تۋرالى ويلانۋعا, ەكولوگيالىق تازا ءارى قاۋىپسىز قوعام قۇرۋعا ۇمتىلادى.