گاۆاي ارالىنداعى الەمگە ايگىلى كيلاۋەا جانارتاۋى قايتادان اتقىلاي باستادى. لاۆانىڭ بيىكتىگى 30 مەتردەن اسىپ, سەيسميكالىق تولقىندار تىركەلدى, دەپ حابارلايدى Egemen.kz.
اقش گەولوگيالىق قىزمەتىنىڭ (USGS) مالىمەتىنشە, 22 تامىز كۇنى جەرگىلىكتى ۋاقىتپەن ساعات 14:04-تە كيلاۋەا جانارتاۋى بەلسەندىلىگىن كۇشەيتىپ, جاڭا اتقىلاۋ كەزەڭى باستالعان. بۇل – 31-ءشى تىركەلگەن ەپيزود.
لاۆانىڭ بيىكتىگى 30 مەتردەن اسادى;
سولتۇستىك جەرلە ماڭىندا جەر استى دۇمپۋلەرى سەزىلۋدە;
اتقىلاۋ بىرنەشە ساعات بويى جالعاسىپ جاتىر.
كيلاۋەا جانارتاۋى گاۆاي ارالىندا (بولشوي وستروۆ) ورنالاسقان. ول – جەر شارىنداعى ەڭ بەلسەندى ۆۋلكانداردىڭ ءبىرى. عالىمداردىڭ ايتۋىنشا, كيلاۋەا بىرنەشە ونداعان جىلدار بويى دەرلىك ۇزدىكسىز اتقىلاپ كەلەدى.
گاۆاي حالقى بۇل جانارتاۋدى وت پەن لاۆانىڭ قۇدايى – پەلە ەسىمىمەن بايلانىستىرادى. جەرگىلىكتى ميفولوگيادا پەلە «وت ساقتاۋشىسى» ءارى ارالدىڭ قورعاۋشىسى رەتىندە قۇرمەتتەلەدى.