سەبەبى eGov پورتالى مەن «ۇلتتىق ءبىلىم بەرۋ دەرەكتەر قورى» اقپاراتتىق جۇيەسىندە تەحنيكالىق اقاۋ بولعان, دەپ جازادى Egemen.kz.
جۇكتەمەنىڭ مولشەردەن كوپ بولۋىنا بايلانىستى كوللەدجگە تۇسۋگە ءوتىنىم بەرۋ كەزىندە تالاپكەرلەر ءۇشىن ۋاقىتشا تەحنيكالىق قيىندىقتار بايقالدى.
جاۋاپتى مينيسترلىك قازىر بارلىق اقاۋلار جويىلعانىن حابارلايدى. تالاپكەرلەر ءۇشىن قۇجاتتاردى قابىلداۋ جانە كونكۋرستىق ىرىكتەۋ مەرزىمى ۇزارتىلدى. ناقتى ۋاقىتقا توقتالساق, شىعارماشىلىق دايىندىقتى تالاپ ەتەتىن ماماندىقتار بويىنشا – 24 تامىزعا دەيىن, پەداگوگيكالىق جانە مەديتسينالىق ماماندىقتار بويىنشا – 25 تامىزعا دەيىن جانە ورتا بۋىن ماماندارىن دايارلاۋ ماماندىقتارى بويىنشا 27 تامىزعا دەيىن قۇجات قابىلدانادى.