18 تامىز – قازاقستان رەسپۋبليكاسى اتوم ەنەرگياسى جونىندەگى اگەنتتىگى الماتى وبلىسىنىڭ جامبىل اۋدانىندا سالىنۋى جوسپارلانعان اتوم ەلەكتر ستانتسياسىنا اتاۋ بەرۋ بويىنشا جالپىحالىقتىق كونكۋرستى ۇيىمداستىرۋ جۇمىستارىنا كىرىستى, دەپ جازادى Egemen.kz.
قازاقستان رەسپۋبليكاسى پرەزيدەنتىنىڭ ۇسىنىسىنا سايكەس, اگەنتتىكتىڭ بۇيرىعىمەن 29 تامىزعا دەيىن كونكۋرستى وتكىزۋ الگوريتمىن جانە ونىڭ مەرزىمدەرى مەن ۇسىنىستاردى قابىلداۋ جانە قاراۋ ءتارتىبىن قامتيتىن ەرەجەلەر جوباسىن ازىرلەۋ تاپسىرىلعان جۇمىس توبى قۇرىلدى.
سونداي-اق قۇرامىنا قوعام وكىلدەرى, كرەاتيۆتىك يندۋستريا ماماندارى, اتوم ەنەرگەتيكاسى, فيلولوگيا جانە تاريح سالالارىنىڭ ساراپشىلارى كىرەتىن كونكۋرستىق كوميسسيا قۇرۋ جۇكتەلدى.
اگەنتتىك سونىمەن قاتار, بۇقارالىق اقپارات قۇرالدارى مەن رەسمي بايلانىس ارنالارىن پايدالانا وتىرىپ, اقپاراتتىق-ءتۇسىندىرۋ ناۋقانىن جۇرگىزەدى.