2025 جىلعى شىلدەدە 169,9 مىڭ بىرلىك اۆتوكولىك قۇرالى ەسەپكە قويىلدى, ونىڭ ىشىندە جەڭىل اۆتوموبيلدەر – 153,5 مىڭ, جۇك اۆتوموبيلدەرى – 9,8 مىڭ, اۆتوبۋستار – 1,6 مىڭ بىرلىك جانە موتوترانسپورت – 5 مىڭ, دەپ حابارلايدى Egemen.kz.
2025 جىلعى 1 تامىزداعى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 6 629 مىڭ بىرلىكتى قۇرادى, ونىڭ ىشىندە 86,7% – جەڭىل اۆتوموبيلدەر, 9,5% – جۇك كولىكتەرى, 1,8% – اۆتوبۋستار مەن موتوكولىكتەر – 2%.
پايدالانىلاتىن وتىن ءتۇرى بويىنشا كولىكتەردىڭ 82,1%-ى بەنزينمەن جۇرەدى, ارالاس وتىنمەن جۇرەتىن كولىكتەردىڭ ۇلەسى – 7,1%, ديزەل وتىنىمەن جۇرەتىن كولىكتەردىڭ ۇلەسى – 7%, كولىكتەردىڭ جالپى سانىنان گاز باللوندى كولىكتەردىڭ ۇلەسى 0,3% قۇرادى, تاعى 20 775 بىرلىك كولىك ەلەكتر قۋاتىمەن جۇرەدى جانە جالپى اۆتوكولىكتەردىڭ 0,3% قۇرايدى.
سونىمەن قاتار تىركەلگەن كولىك قۇرالدارىنىڭ جالپى سانىنان ەڭ كوپ ۇلەستى (37,5%) قوزعالتقىشىنىڭ كولەمى 1500-دەن 2000 تەكشە سم-گە دەيىنگى كولىكتەر قۇرايدى, قوزعالتقىشىنىڭ كولەمى 1500 تەكشە سم-گە دەيىنگىلەردىڭ ۇلەسى – 19,9%, قوزعالتقىشىنىڭ كولەمى 2000-دەن 2500 تەكشە سم-گە دەيىن – 15,5%, قوزعالتقىشىنىڭ كولەمى 2500-دەن 4000 تەكشە سم-گە دەيىنگى كولىك ۇلەسى – 13,7%, 4000 تەكشە سم-دەن جوعارىسى – 9,4%.
قوزعالتقىشىنىڭ كولەمى 1500-دەن 2000 تەكشە سم-گە دەيىنگى كولىك قۇرالدارىنىڭ ەڭ كوپ سانى الماتى وبلىسىندا – 259,3 مىڭ بىرلىك, الماتى - 248,9 مىڭ بىرلىك جانە استانا قالالارىندا – 196,5 مىڭ بىرلىك.