تارازدا جوعارى سىنىپ وقۋشىلارى اراسىنداعى جاپپاي توبەلەس ۆيدەوعا ءتۇسىپ, الەۋمەتتىك جەلىدە كەڭ تارادى. وقيعاعا بايلانىستى جامبىل وبلىسى پوليتسيا دەپارتامەنتى بارلىق قاتىسۋشىنىڭ انىقتالعانىن مالىمدەدى, دەپ حابارلايدى Egemen.kz.
جانجال مىڭبۇلاق شاعىناۋدانى اۋلالارىنىڭ بىرىندە بولعان. اقپاراتقا سايكەس, كيكىلجىڭ ءساۋىر ايىندا ەكى مەكتەپتىڭ 9 جانە 11-سىنىپ وقۋشىلارى اراسىندا باستالعان. بىرنەشە كۇننەن كەيىن وعان وزگە جاسوسپىرىمدەر ارالاسىپ, جاعداي جاپپاي توبەلەسكە ۇلاسقان.
شالقارداعى جاپپاي توبەلەس: ءجاسوسپىرىمنىڭ ولىمىنە قاتىستى ءۇش كۇدىكتى ۇستالدى
بەينەجازبادان ءبىر توپ وقۋشىنىڭ جوعارى سىنىپ وقۋشىسىنا شابۋىلداعان مەزەتى بايقالادى. كۋاگەرلەر ارالاسىپ, پوليتسيا شاقىرعاننان كەيىن عانا جانجال توقتاعان.
پوليتسيانىڭ مالىمەتىنشە, وقيعا 5 مامىر كۇنى بولعان.
«102 ارناسىنا جاسوسپىرىمگە دەنە جاراقاتىن سالۋ دەرەگى بويىنشا حابارلاما ءتۇستى. وقيعاعا قاتىسقان بارلىق تۇلعا انىقتالدى. 15 جاستاعى جاسوسپىرىمدەر اتا-انالارىمەن بىرگە پوليتسيا بولىمىنە جەتكىزىلدى. اتالعان فاكتى بويىنشا سوتقا دەيىنگى تەرگەۋ باستالدى», دەپ حابارلادى ۆەدومستۆونىڭ ءباسپاسوز قىزمەتى.
جاپپاي توبەلەس: الماتىداعى ەكى ءجاسوسپىرىمنىڭ ولىمىنەن كەيىن قىلمىستىق ءىس قوزعالدى
سونداي-اق توبەلەسكە قاتىسقان وقۋشىلار پروفيلاكتيكالىق ەسەپكە قويىلعان. ال ولاردىڭ اتا-انالارى بالا تاربيەسىنە قاتىستى مىندەتتەرىن تيىسىنشە ورىنداماعانى ءۇشىن جاۋاپكەرشىلىككە تارتىلعان.
قازىر وقيعانىڭ بارلىق ءمان-جايىن انىقتاۋعا باعىتتالعان تەرگەۋ جۇرگىزىلىپ جاتىر, قورىتىندىسى بويىنشا پروتسەسسۋالدىق شەشىم قابىلدانادى.
اقمولا وبلىسىندا 18 جاستاعى ءجاسوسپىرىمدى بۇرىنعى سىنىپتاسى پىشاقتاپ كەتتى