اقمولا وبلىسىندا 2025 جىلى جاڭا مەكتەپتەردىڭ پايدالانۋعا بەرىلۋى ناتيجەسىندە ءۇش اۋىسىمدى وقىتۋ ماسەلەسى تۇبەگەيلى جويىلدى, دەپ حابارلايدى Egemen.kz.
وڭىردە 1 قىركۇيەككە دەيىن 14 مەكتەپ پايدالانۋعا بەرىلەدى. ونىڭ توعىزى «كەلەشەك مەكتەبى». جاڭا نىساندار 15 مىڭ وقۋشىنى قامتيدى.
ءۇش اۋىسىمدى وقىتۋ ماسەلەسى ءبىرجولا توقتادى. ءوڭىردىڭ 77 ءبىلىم بەرۋ مەكەمەسىندە كۇردەلى جانە اعىمداعى جوندەۋ جۇمىستارى تولىق اياقتالۋعا تاياۋ.
–بيىل 34 نىساندا كۇردەلى جوندەۋ, 43 نىساندا اعىمداعى جوندەۋ جۇمىستارى جۇرگىزىلدى, – دەيدى وبلىستىق ءبىلىم باسقارماسى باسشىسىنىڭ مىندەتىن اتقارۋشى ۆالەري گامازوۆ.
ءبىلىم وشاقتارىن زامان تالابىنا ساي جوندەۋ وقۋشىلاردىڭ ساپالى ءبىلىم الۋىنا نەگىز قالاماق.
اقمولا وبلىسى