ۇكىمەت پرەزيدەنتتىڭ تاپسىرماسى اياسىندا ناشاقورلىق پروفيلاكتيكاسى جانە ەسىرتكى قىلمىسىنا قارسى ءىس قيمىل بويىنشا مەملەكەتتىك ورگانداردىڭ قىزمەتىن ۇيلەستىرۋ جونىندەگى رەسپۋبليكالىق شتاب قۇردى, دەپ جازادى Egemen.kz.
شتابقا پرەمەر-مينيستر باسشىلىق ەتەدى. باسشىنىڭ ورىنباسارلارى رەتىندە پرەمەر-ءمينيستردىڭ ورىنباسارى جانە ىشكى ىستەر ءمينيسترى ايقىندالعان.
رەسپۋبليكالىق شتاب مەملەكەتتىك ورگانداردىڭ ناشاقورلىققا جانە ەسىرتكى بيزنەسىنە قارسى تۇرۋ جونىندەگى ءىس-قيمىلىن ۇيلەستىرۋ, الدىن الۋ شارالارى كەشەنىن جۇزەگە اسىرۋ بويىنشا ءتيىمدى تاسىلدەر ازىرلەۋ, ەسىرتكىگە تاۋەلدى ادامداردىڭ پروفيلاكتيكاسىن, ەمىن جانە وڭالتۋ جۇيەسىن جەتىلدىرۋ سىندى نەگىزگى مىندەتتەردى اتقارادى.
سونداي-اق ونىڭ قۇرامىنا باس پروكۋراتۋرانىڭ, ۇلتتىق قاۋىپسىزدىك كوميتەتىنىڭ, قارجى مونيتورينگى اگەنتتىگىنىڭ, ۇلتتىق بانكتىڭ, قارجى نارىعىن رەتتەۋ جانە دامىتۋ اگەنتتىگىنىڭ وكىلدەرى, سونداي-اق بىرقاتار جاۋاپتى مينيسترلىك باسشىلارى ەنگەن.پرەمەر-ءمينيستردىڭ وكىمىمەن وبلىستاردا, استانا, الماتى جانە شىمكەنت قالالارىندا وڭىرلىك شتابتار قۇرۋ جوسپارلانعان.