ۇكىمەت باسشىسى ولجاس بەكتەنوۆ پرەزيدەنت تاپسىرماسىن ورىنداۋعا وراي جيىن وتكىزدى. جيىن قورىتىندىسىنا وراي تسيفرلىق ترانسفورماتسيا بويىنشا توپ (تسيفرلىق شتاب) قۇرۋ جونىندە شەشىم قابىلداندى.
مەملەكەت باسشىسىنىڭ جاساندى ينتەللەكتىنى دامىتۋ جونىندەگى تاپسىرماسىن جۇزەگە اسىرۋ ىسىندە بەلگىلەگەن نەگىزگى توعىز باعىت قاراستىرىلدى. ولاردىڭ قاتارىندا ەكونوميكانىڭ ناقتى سەكتورىنا, مەملەكەتتىك باسقارۋعا, دەنساۋلىق ساقتاۋ سالالارىنا جي ەنگىزۋ, جاساندى ينتەللەكت جانە تسيفرلىق ترانسفورماتسيا ستراتەگياسىن ازىرلەۋ, مەملەكەتتىك قىزمەتتەردى جانە وتىنىشتەرمەن جۇمىس ىستەۋ ۇدەرىستەرىن دامىتۋ, ءىت-ارحيتەكتۋرانى, QazTech ۇلتتىق پلاتفورماسىن جاڭعىرتۋ, كيبەرقاۋىپسىزدىكتى قامتاماسىز ەتۋ, وتاندىق IT ستارتاپتاردى قولداۋ مەن Smart سity-ءدى دامىتۋ ماسەلەلەرى بار.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ پرەزيدەنت تاپسىرمالارىن جۇزەگە اسىرۋداعى تاسىلدەر تۋرالى بايانداما جاسادى. ونىڭ ايتۋىنشا, ەكونوميكاعا جاساندى ينتەللەكتىنى ەنگىزۋ باسىم مىندەت بولىپ وتىر. وسى باعىتتا ۇكىمەت «سامۇرىق-قازىنا» ۇاق-پەن بىرلەسىپ, ەڭبەك ونىمدىلىگىن ارتتىرۋعا وندىرىستىك ۇدەرىستەرگە جي ەنگىزۋ جونىندەگى جول كارتاسىن ازىرلەۋگە كىرىستى.
جاڭا تەحنولوگيالار دەنساۋلىق ساقتاۋ سالاسىندا دۇرىس دياگنوز قويۋعا, ەم-شارا تاعايىنداۋعا جانە ناۋقاستارعا مونيتورينگ جۇرگىزۋگە, دارىگەرلەردى كۇندەلىكتى مىندەتتەردەن بوساتۋعا مۇمكىندىك بەرەدى. بۇل حالىققا كورسەتىلەتىن قىزمەتتەردىڭ ساپاسىنا, اشىقتىعى مەن تيىمدىلىگىنە وڭ اسەر ەتەدى. وتاندىق ستارتاپتاردىڭ دەنساۋلىق ساقتاۋ مينيسترلىگىنىڭ ينفراقۇرىلىمىنا قولجەتىمدىلىگى, بىرىڭعاي مەديتسينالىق دەرەكتەر بازاسىنا كوشۋى مەن تاعى باسقالارى – ماڭىزدى قادام.
مەملەكەتتىك قىزمەتتەر سالاسىندا Aitu-دى ۇلتتىق مەسسەندجەر رەتىندە بەكىتۋ جۇمىسى جۇرگىزىلىپ جاتىر. ارنايى ورگاندار اitu-عا كوشىرىلىپ, ەكوجۇيەنىڭ نەگىزگى قاتىسۋشىلارى بىرىڭعاي تسيفرلىق ورتاعا بىرىكتىرىلەدى. بۇل ءتاسىل زاماناۋي, قاۋىپسىز ءارى ىڭعايلى تسيفرلىق ورتانى قالىپتاستىرۋعا مۇمكىندىك بەرەدى, وندا مەملەكەتتىك قىزمەتتەر ءاربىر ازاماتقا «باتىرمانى ءبىر رەت باسۋ» ارقىلى قولجەتىمدى بولادى. سونىمەن قاتار ەلىمىزدىڭ IT لاندشافتىنىڭ ارحيتەكتۋرالىق ۇيلەسىمدىلىگىن ارتتىرۋ, سونداي-اق دەرەكتەردى قورعاۋ مەن كيبەرقاۋىپسىزدىك سالاسىندا شارالار كەشەنى بويىنشا جۇيەلى جۇمىس كوزدەلگەن.
«مەملەكەت باسشىسى جي تەحنولوگيالارىن بارلىق سالاعا ەنگىزۋدىڭ وزەكتى ماسەلەلەرىنە باسا نازار اۋدارىپ وتىر. بۇل ماسەلەلەر جىلدام ءارى ءوزارا تىعىز ارەكەت ەتە وتىرىپ شەشۋ قاجەت. مۇنداعى ماسەلە تەك جي جۇمىسىنىڭ قۇقىقتىق نەگىزىن جەتىلدىرۋمەن شەكتەلمەيدى, ودان بولەك دەرەكتەردىڭ شاشىراڭقىلىعى, سۋپەركومپيۋتەردىڭ قۋاتىن ءبولۋ بويىنشا ناقتى رەگلامەنتتىڭ بولماۋى, كيبەرقاۋىپسىزدىك, QazTech پلاتفورماسىنا تولىق كوشۋ سىندى ماسەلەلەر شەشىمىن تابۋ كەرەك. بۇل مىندەتتەردىڭ بارلىعى ەلىمىزدىڭ تسيفرلىق ترانسفورماتسياسى ءۇشىن ستراتەگيالىق ماڭىزعا يە, سوندىقتان دا كورىنەتىن ەكونوميكالىق تيىمدىلىكپەن وسى جىلدىڭ جەلتوقسان ايىنا دەيىن ورىندالۋعا ءتيىس», دەدى پرەمەر-مينيستر.
تسيفرلىق دامۋ مينيسترلىگىنە مۇددەلى مەملەكەتتىك ورگاندارمەن جانە ۇيىمدارمەن بىرلەسە وتىرىپ, ۇسىنىلعان تاسىلدەردى پىسىقتاۋ تاپسىرىلدى. ۇكىمەت جاقىن ارادا ناقتى مەرزىمدەرى مەن ناتيجەلەرى بار ءىس-شارالار جوسپارىن قابىلدايدى. جي-ءدى جەدەل دامىتۋ مەن ەكونوميكاعا ەنگىزۋ, سونداي-اق مەملەكەت باسشىسى تاپسىرمالارىنىڭ جۇزەگە اسىرىلۋىن باقىلاۋ ماقساتىندا پرەمەر-ءمينيستردىڭ وكىمىمەن تسيفرلىق ترانسفورماتسيا جونىندەگى توپ (تسيفرلىق شتاب) قۇرىلدى.
ۇكىمەت باسشىسى توراعالىق ەتەتىن تسيفرلىق شتاب قۇرامىنا: پرەمەر-ءمينيستردىڭ ورىنباسارى – ۇكىمەت اپپاراتىنىڭ باسشىسى, ستراتەگيالىق جوسپارلاۋ جانە رەفورمالار جونىندەگى اگەنتتىكتىڭ توراعاسى, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى, پرەزيدەنتتىڭ تسيفرلاندىرۋ ماسەلەلەرى جونىندەگى كەڭەسشىسى كىردى.
تسيفرلىق شتابتىڭ مىندەتتى شەشىمدەردى جىلدام قابىلداۋى جاساندى ينتەللەكت تەحنولوگيالارىن جەدەل ءارى جاپپاي ەنگىزۋگە ىقپال ەتەدى.