جامبىل وبلىسىنىڭ اكىمى ەربول قاراشوكەەۆ تاراز قالاسىنداعى «اقبۇلاق» شاعىناۋدانىنىڭ اۋلالارىن ارالاپ, تازالىق جۇمىستارىمەن تانىستى, دەپ حابارلايدى Egemen.kz.
ءوڭىر باسشىسى قالا باسشىسىنا قوقىس شىعاراتىن مەكەمەلەردىڭ جۇمىسىن تۇراقتى ۇيلەستىرۋ قاجەتتىگىن ەسكەرتتى. تۇرعىندارمەن كەزدەسكەن ە. قاراشوكەەۆ جەرگىلىكتى ازاماتتاردى «تازا قازاقستان» اكتسياسىنا بەلسەندىلىكپەن قاتىسىپ, اۋلالاردى تازا ۇستاۋعا شاقىردى.
كەيىننەن ءوڭىر باسشىسى «م-1» جىلۋ جەلىسىن قايتا جاڭعىرتۋ جوباسىنىڭ ىسكە اسىرىلۋ بارىسىن زەردەلەپ, ۇيىمعا قۇرىلىس جۇمىسىن مەرزىمىندە اياقتاۋدى تاپسىردى.
بۇدان سوڭ وبلىس اكىمى اباي داڭعىلى بويىندا سالىنىپ جاتقان كوپىر قۇرىلىسىنىڭ جۇمىسىمەن تانىستى. ىلكىمدى جوبا وبلىس ورتالىعىنداعى كولىك قوزعالىسىن وڭتايلاندىرۋعا جانە جول-كولىك ينفراقۇرىلىمىن جاقسارتۋعا باعىتتالعان ماڭىزدى نىسان ەكەنىن اتاپ ءوتتى. قازىرگى كەزدە الىپ كوپىر قۇرىلىسى جوسپارعا ساي جۇرگىزىلىپ جاتىر. مۇنداعى جۇمىس 15 اي مەرزىمدى اياقتالۋى ءتيىس.
ايماق باسشىسى تاراز قالاسى جىبەك جولى اۋدانى اۋماعىنا قوسىلعان تۇركىسىب القابىن ارالاۋ بارىسىندا وبلىس ورتالىعىنا ەنگەن 14 ەلدى مەكەندە شەشىمىن تاپپاعان ماسەلەلەردىڭ ءالى دە بار ەكەنىن اتاپ ءوتتى. سوندىقتان تۇرعىندارعا بۇل تۇيتكىلدەردىڭ بيۋدجەت مۇمكىندىكتەرىنە قاراي كەزەڭ-كەزەڭىمەن شەشىلەتىنىن ءتۇسىندىرۋ قاجەتتىگىن ەسكەرتتى. سونىمەن بىرگە قويگەلدى (1,337 كم), كومراتوۆ (1,468 كم) جانە لەرمونتوۆ (1,421 كم) كوشەلەرىن ورتاشا جوندەۋ جۇمىستارىمەن تانىستى.
بۇل كۇنى وبلىس اكىمى تاراز قالاسىندا اعىن سۋدان زارداپ شەككەن ۇيلەردى ارالاپ, تۇرعىندارمەن تىلدەستى. ەسكە سالا كەتەيىك, 7 تامىز كۇنى, ساعات 20:35 شاماسىندا, «زەربۇلاق» كولىندە بەلگىسىز تۇلاعالاردىڭ شليۋزدەردى اشۋى سالدارىنان سۋارمالى ارناعا كوپ مولشەردە اعىن سۋ كەلگەنى انىقتالدى. ناتيجەسىندە دوستوەۆسكي بۇرىلىسى, جۋانىشەۆ كوشەسى, ۇلبيكە اقىن كوشەسى مەن 1-بۇرىلىسى, نيەتقاليەۆ پەن بولتىرىك شەشەن كوشەلەرىندە ورنالاسقان 30 تۇرعىن ءۇيدىڭ اۋلاسىن, سونداي-اق 2 جەرتولەنى سۋ باسقان. تۇرعىن ۇيلەردىڭ ىشىنە سۋ كىرگەنى تۋرالى دەرەكتەر تىركەلگەن جوق.
وقيعا ورنىنا دەرەۋ 25 ادام, 12 ارنايى تەحنيكا مەن كولىك جۇمىلدىرىلدى. اۋەلى شليۋزدەر جابىلىپ, كەيىن سۋ اعىنى توقتاتىلدى. ەربول قاراشوكەەۆ تاراز قالاسى اكىمىنە بۇل ماسەلەنى تولىق زەردەلەۋدى, زارداپتاردى جويۋ بويىنشا ناقتى جانە جەدەل شارالار قابىلداۋدى تاپسىردى.
جامبىل وبلىسى.