مەملەكەتتىك كەڭەسشى ەرلان قارين كونفەسسياارالىق كەلىسىمدى نىعايتۋ ماسەلەسىنە ارنالعان جيىن وتكىزدى. باسقوسۋعا پرەزيدەنت اكىمشىلىگى قۇرىلىمدىق بولىمشەلەرىنىڭ باسشىلارى مەن ورتالىق مەملەكەتتىك ورگانداردىڭ وكىلدەرى قاتىستى.
جيىندا ءدىن سالاسىنداعى وزەكتى ماسەلەلەر, قوعامدا كونفەسسياارالىق كەلىسىمدى نىعايتۋ جونىندەگى شارالار جانە ءدىني راديكاليزمگە قارسى ءىس-قيمىلعا قاتىستى ماسەلەلەر قارالدى.
مەملەكەتتىك كەڭەسشى ءدىن سالاسىندا ساليقالى ساياسات جۇرگىزۋ ءۇشىن مۇقيات ويلاستىرىلعان ۇستانىم, كەشەندى ءارى جۇيەلى شارالار قابىلداۋ جانە بارلىق مەملەكەتتىك ورگانداردىڭ بىرلەسىپ ۇيلەسىمدى جۇمىس ىستەۋى قاجەت ەكەنىن اتاپ ءوتتى.
وسى رەتتە ەرلان قارين زاڭداردى ساقتاۋدىڭ, كونفەسسيا سالاسىن عىلىمي تۇرعىدان زەردەلەۋدىڭ جانە حالىق اراسىندا اقپاراتتىق-ءتۇسىندىرۋ جۇمىستارىن جۇرگىزۋدىڭ ماڭىزدى ەكەنىن ايتتى.
جيىن سوڭىندا مەملەكەتتىك ورگاندارعا قوعامدىق-ساياسي تۇراقتىلىقتى نىعايتۋ ءۇشىن كۇش جۇمىلدىرىپ ارەكەت ەتۋگە باعىتتالعان ناقتى تاپسىرمالار بەرىلدى.