پاۆلودار وبلىسىنىڭ مايقايىڭ كەنتىندە بولعان شۋلى وقيعاعا قاتىستى تەرگەۋ جالعاسىپ جاتىر. پوليتسيا مالىمەتىنشە, قىلمىستىق ءىس ەكى باپ بويىنشا قوزعالعان – «قايتىس بولعانداردىڭ دەنەسىن قورلاۋ» جانە «الاياقتىق». بۇل ءىس قوعامدا ۇلكەن رەزونانس تۋدىرىپ وتىر, دەپ حابارلايدى Egemen.kz.
ەسكە سالايىق, بيىل اقپان ايىندا مايقايىڭداعى جەكەمەنشىك ۇيلەردىڭ بىرىنەن 67 جاستاعى ەر ادامنىڭ, ال سول اۋماقتاعى تاعى ءبىر ۇيدەن ونىڭ 39 جاستاعى قىزىنىڭ ءمايىتى تابىلعان. مارقۇمداردىڭ دەنەلەرى ۇزاق ۋاقىت بويى ءۇي ىشىندە ساقتالعان.
مايقايىڭ كەنتىندەگى ۇيلەردىڭ بىرىنەن ەكى ادامنىڭ ءمايىتى تابىلدى
انىقتالعانداي, قايتىس بولعان ەر ادامنىڭ جۇبايى, ۇلكەن قىزى جانە 6 جاستاعى نەمەرەسى مۋميالانعان دەنەلەردىڭ جانىندا بىرگە تۇرعان. اۋىل تۇرعىندارىنىڭ ايتۋىنشا, كىشكەنتاي قىز اناسىنىڭ دەنەسىنە ۇنەمى ماي جانە بال جاعىپ وتىرعان.
جەرلەۋ راسىمىنەن كەيىن قويىلعان تاقتايشالار ارقىلى بەلگىلى بولعانداي, وتاعاسى شامامەن جارتى جىل بۇرىن قايتىس بولعان, ال ونىڭ قىزىنىڭ دەنەسى ەكى جىلدان استام ۋاقىت ۇيدە جاتقان. مارقۇم ايەلدىڭ قاتەرلى ىسىككە شالدىققانى بەلگىلى بولعانىمەن, دارىگەر كومەگىنە جۇگىنبەگەن جانە ەشقانداي الەۋمەتتىك تولەم الماعان.
شىمكەنتتە جالدامالى پاتەردەن ءۇش ادامنىڭ ءمايىتى تابىلدى
سونىمەن قاتار تەرگەۋ بارىسىندا قايتىس بولعان ەر ادامنىڭ زەينەتاقىسى ەسەپشوتتان تۇراقتى تۇردە شەشىلىپ وتىرعانى انىقتالعان.
«قازىرگى ۋاقىتتا تەرگەۋ امالدارى جۇرگىزىلىپ جاتىر, ونىڭ ىشىندە سوت-پسيحولوگيالىق جانە پسيحياتريالىق ساراپتامالار تاعايىندالدى. ەكى ايەل دە ارنايى پسيحياتريالىق مەكەمەگە جاتقىزىلىپ, ەم قابىلداپ جاتىر. ال كامەلەتكە تولماعان بالا تەكسەرۋدەن كەيىن ەكىباستۇز قالاسىنداعى مەملەكەتتىك مەكەمەگە ورنالاستىرىلدى», دەدى پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ جەتەكشىسى جاننا بەليالوۆا.
قۇزىرلى ورگاندار وقيعانىڭ بارلىق ءمان-جايىن انىقتاپ, قۇقىقتىق باعا بەرىلەتىنىن مالىمدەدى.
الماتى وبلىسىندا جەكە تۇرعىن ۇيدەن ءتورت ادامنىڭ ءمايىتى تابىلدى