الەۋمەتتىك جەلىلەر اقپارات تاراتۋدىڭ نەگىزگى الاڭىنا اينالعان بۇگىنگى زاماندا جەدەلدىكپەن قاتار جاۋاپكەرشىلىك تە ارتا ءتۇستى. باس پروكۋراتۋرا ازاماتتاردى تەكسەرىلمەگەن مالىمەتتەردى تاراتۋدان ساق بولۋعا شاقىرىپ, «تسيفرلىق قاۋەسەتتەردىڭ» قوعامعا توندىرەتىن قاتەرىنە نازار اۋداردى, دەپ حابارلايدى Egemen.kz.
قاداعالاۋشى ورگاننىڭ مالىمەتىنشە, كوپ جاعدايدا پايدالانۋشىلار اقپاراتتىڭ انىقتىعىنا كوز جەتكىزبەي, جالعان نەمەسە بۇرمالانعان دەرەكتەردى تاراتىپ جاتادى. اسىرەسە, «حايپ» قۋعان جەكەلەگەن تۇلعالار مۇنىڭ سالدارىن ەسكەرە بەرمەيدى. ال شىن مانىندە, جالعان اقپارات تاراتۋ – تەك جەكە پىكىر ەمەس, قوعامعا تونەتىن ناقتى قاۋىپ فاكتورى.
مامانداردىڭ ايتۋىنشا, ينتەرنەت كەڭىستىگىندە تولىق انونيمدىلىك جوق. كەز كەلگەن ارەكەت «تسيفرلىق ءىز» قالدىرادى, ال زاماناۋي تەحنولوگيالار اقپاراتتىڭ باستاپقى كوزىن انىقتاۋعا مۇمكىندىك بەرەدى.
اسا ءىرى مولشەردەگى الاياقتىق جانە جالعان اقپارات: الماتىدا سانجار بوقاەۆ ۇستالدى
تاجىريبە كورسەتكەندەي, زاڭعا قايشى جاريالانىمدار انىقتالىپ, ولاردىڭ اۆتورلارى جاۋاپكەرشىلىككە تارتىلادى. سوندىقتان ءاربىر قولدانۋشى جاريالاعان جازباسىنىڭ سالدارىن الدىن الا سارالاۋى ءتيىس.
قۇقىق قورعاۋ ورگاندارى جالا جابۋ, قورلاۋ نەمەسە كورىنەۋ جالعان اقپارات تاراتۋ زاڭمەن قۋدالاناتىنىن ەسكەرتەدى. بۇل ارەكەتتەر ازاماتتاردىڭ ار-نامىسى مەن ىسكەرلىك بەدەلىنە نۇقسان كەلتىرىپ قانا قويماي, قوعامدا دۇربەلەڭ تۋعىزۋى مۇمكىن.
ء«سوز بوستاندىعى – شەكسىز ەركىندىك ەمەس. ول وزگە ادامداردىڭ قۇقىقتارى مەن زاڭدى مۇددەلەرىن بۇزۋعا نەگىز بولا المايدى», دەدى ۆەدومستۆو وكىلدەرى.
باس پروكۋراتۋرا اقپارات تەكسەرىلگەن دەرەكتەرگە نەگىزدەلۋى كەرەكتىگىن ەرەكشە اتاپ ءوتتى. بولجام مەن جورامالعا سۇيەنگەن حابارلامالار اقپاراتتىق كەڭىستىكتى لاستاپ, سەنىمسىزدىك تۋدىرادى.
باس پروكۋراتۋرا ازاماتتاردى جالعان اقپارات تاراتۋدان باس تارتۋعا شاقىردى
قۇقىقتىق نورمالاردى ساقتاۋ تۇرمىستا دا, بيزنەستە دە, مەديا سالاسىندا دا قاۋىپسىز ورتا قالىپتاستىرۋدىڭ باستى شارتى بولىپ وتىر. وسىعان بايلانىستى قىلمىستىق قۋدالاۋ ورگاندارى جازا قولدانۋمەن قاتار, قۇقىق بۇزۋشىلىقتىڭ الدىن الۋعا باسىمدىق بەرىپ كەلەدى.
قاداعالاۋشى ورگان وكىلدەرى تسيفرلىق ورتاداعى جاۋاپتى مىنەز-ق ۇلىق مادەنيەتىن قالىپتاستىرۋ – ورتاق مىندەت ەكەنىن اتاپ ءوتتى. سەبەبى اقپاراتتىق مادەنيەت ءاربىر الەۋمەتتىك جەلى قولدانۋشىسىنىڭ جەكە جاۋاپكەرشىلىگىنەن باستالادى.
1414-تەن حابارلاما: باس پروكۋراتۋرا الاياقتارعا الدانىپ قالماۋ جولىن ايتتى