ۇكىمەت ونەركاسىپ جانە قۇرىلىس مينيسترلىگى مەن «Ultradecor Trading Kazakhstan» جشس اراسىندا سولتۇستىك قازاقستان وبلىسىندا اعاش وڭدەۋ ءوندىرىسىن سالۋ جوباسى بويىنشا ينۆەستيتسيالار تۋرالى كەلىسىمگە كەلدى. پرەمەر-مينيستر ولجاس بەكتەنوۆ ءتيىستى قاۋلىعا قول قويدى, دەپ جازادى Egemen.kz.
جالپى قۇنى 70 ملرد تەڭگە بولاتىن جوبا 2026-2028 جىلدارى ىسكە اسىرىلادى. زاۋىت ىسكە قوسىلسا كەمىندە 160 تۇراقتى جۇمىس ورنىن قۇرۋعا, ەل ىشىندە اعاش وڭدەۋدى كەڭەيتۋگە, دايىن ءونىم ءوندىرىسىن ارتتىرۋعا جانە ءوڭىردىڭ ونەركاسىپتىك الەۋەتىن كۇشەيتۋگە مۇمكىندىك بەرەدى. زاۋىتتا جىلىنا شامامەن 600 تەكشە مەتر اعاش-جاڭقالى پليتالار (دسپ) جانە 20 ملن شارشى مەتر لاميناتسيالانعان اعاش-جاڭقالى پليتالار (لدسپ) ءوندىرۋ جوسپارلانعان.
جۇگەرى وڭدەۋ زاۋىتىنىڭ قۇرىلىسى باستالدى
كەلىسىم قازاقستاندىق وندىرۋشىلەردىڭ تاۋارلارىن, شيكىزاتىن, جۇمىستارى مەن قىزمەتتەرىن مىندەتتى تۇردە پايدالانۋدى كوزدەيدى. ينۆەستور دايىن ءونىمنىڭ كەمىندە 50%-ىن ىشكى نارىققا باعىتتاۋعا مىندەتتەلەدى. كاسىپورىن جوبالىق قۋاتتىڭ 80%-ىنا شىققاننان كەيىن وتاندىق دايىن ءونىم ەكسپورتىنىڭ كولەمى جىلىنا 60 مىڭ تەكشە مەترگە دەيىن جەتەدى.
الماتىدا وتاندىق عالىمداردىڭ ازىرلەمەلەرى نەگىزىندە جاڭا زاۋىت ىسكە قوسىلدى
ءوڭىردى الەۋمەتتىك قولداۋ بويىنشا مىندەتتەمەلەر دە بەكىتىلگەن. سونداي-اق ينۆەستور جۇمىسكەرلەردى ۇزدىكسىز وقىتۋ جۇيەسىن ەنگىزۋگە جانە ولاردىڭ بىلىكتىلىگىن ارتتىرۋدى قامتاماسىز ەتۋگە مىندەتتەلەدى. جوبانى ىسكە اسىرۋ اعاش وڭدەۋ سالاسىنىڭ دامۋىنا, جەرگىلىكتى مازمۇندى ارتتىرۋعا, جۇمىسپەن قامتۋدى كەڭەيتۋگە جانە قازاقستاننىڭ وڭدەۋ ونەركاسىبىنىڭ ەكسپورتتىق الەۋەتىن نىعايتۋعا ىقپال ەتەدى.
جاساندى ينتەللەكت زاۋىتتارداعى اقاۋلاردى قالاي بولجايدى؟