اقىننىڭ ادەبي مۇراسىن تولىق زەرتتەۋ ءۇشىن ونىڭ شىعارماشىلىق زەرتحاناسىمەن تانىس بولعان ءجون. ياعني «قالامگەر جازۋ ۇستەلىنە قانداي كوڭىل كۇيمەن وتىردى؟», «تۋىندىنى قانشالىق ۋاقىتتا جازىپ شىقتى؟» دەگەن سۇراقتار ءماتىننىڭ مانىنە تەرەڭ بويلاۋعا كومەكتەسەدى.
ال حاكىم ابايدىڭ شىعارماشىلىق زەرتحاناسى تۋرالى بالاسى تۋراعۇل بىلاي دەپ جازادى: «تاڭەرتەڭنەن كەشكە دەيىن كوبىنە ورىستىڭ كىتابىن وقيدى دا, ارا-تۇرا جاستىقتى باۋىرىنا باسىپ, الدىندا اق قاعازى, قولىندا قارىنداشى, كۇڭىرەنىپ وتىرىپ ولەڭ جازىپ تاستايدى. ءوڭى قاشىڭقىراپ, ازىراق ەنتىككەن كىسىدەي تاناۋى كەبىڭكىرەپ, كوزى جاساۋراڭقىراپ, ەستىر-ەستىمەستەي كۇڭىرەگەننىڭ ىشىندە كۇبىرلەڭكىرەپ, كوپ جازىپ كەپ كەتكەندە, كوپ توقتالا ويلانا بەرمەيدى دە, قايتا سىزىپ تۇزەتپەيدى دە, ولەڭنىڭ تىعىنى سۋىرىلىپ كەتكەنگە ۇقسايدى», دەيدى حاكىمنىڭ ۇلى.