قاسيەتتى پەرزەنتتىڭ دۇنيەگە كەلۋىن ەڭ اۋەلى رۋحاني الەمنىڭ ەلشىلەرى جەتكىزەدى. ومىرگە ەنەتىن بالانىڭ تەگىن ادام بولمايتىنىن يلھام-يشارامەن ۇقتىرادى. سونداي وقيعا قۇنانباي شاڭىراعىندا دا بولعان.
ەل ىشىندەگى ەشەن اۋليە تۇركىستانداعى ازىرەت سۇلتان كەسەنەسىنە زيارات ەتىپ, قوجا احمەت ءياساۋيدىڭ اكەسى يبراھيم اتانىڭ باسىنا تۇنەگەن-ءدى. سول جەردە جاتىپ ءتۇس كورەدى. قايتقان سوڭ ءتۇسىن قۇنانباي بيگە ايتىپ بەرەدى: «جيدەبايدا اسپاندى تىرەگەن عاجاپ زاڭعار شىڭ ورناپتى, جوعارىدا قۇنانباي, ودان تومەن ۇلجان ەكەۋىڭىزدى كوردىم. ءسىز تۇرەگەپ تۇرسىز, ال وتىرعان ۇلجاننىڭ ەتەگى شىڭنان اسىپ, شىڭعىستاۋدى وراپ العان. شىڭنىڭ ۇشار باسىنا قاراپ ەدىم, ءسىزدىڭ ارتىڭىزدان باسى اسقان ءبىر جىگىتتى اڭدادىم», دەپ ايتادى. سوندا قۇنانباي: «ەندىگى پەرزەنتىمنىڭ اتىن يبراھيم قويامىن», دەيدى دە, ەشەن اۋليەگە ءۇش ق ۇلىندى بيە, ءبىر ات بەرگەن ەكەن.