ءبىلىم گرانتى يەگەرلەرىنىڭ ءتىزىمى جاريالاندى

قر پرەزيدەنتى قاسىم-جومارت توقاەۆتىڭ تاپسىرماسىنا سايكەس, ەكونوميكانىڭ باسىم سالالارى ءۇشىن جوعارى بىلىكتى كادرلاردى دايارلاۋ ماقساتىندا ءبىلىم بەرۋ گرانتتارىنىڭ جالپى سانىنىڭ 60%-ى ينجەنەرلىك جانە تەحنيكالىق باعىتتار بويىنشا بولىنگەن. كونكۋرس قورىتىندىسى بويىنشا مەملەكەتتىك ءبىلىم بەرۋ تاپسىرىسى 99%-عا يگەرىلگەن.مينيسترلىك مالىمەتىنشە, بيىل «سەرپىن» باعدارلاماسى حالىق تىعىز قونىستانعان وڭىرلەردىڭ جاستارى اراسىندا ۇلكەن قىزىعۋشىلىق تۋدىرعان. كونكۋرس ناتيجەسى بويىنشا 2 مىڭنان استام گرانت يەگەرى قازاقستاننىڭ سولتۇستىك, شىعىس جانە ورتالىق وڭىرلەرىندەگى الدىڭعى قاتارلى جوعارى وقۋ ورىندارىندا ءبىلىم الاتىن بولادى. جالپى «AMANAT» پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسى اياسىندا بيىل 77 مىڭنان استام ءبىلىم بەرۋ گرانتى بولىنگەن. مەملەكەت باسشىسىنىڭ تاپسىرماسى بويىنشا شەتەلدىك جەتەكشى ۋنيۆەرسيتەتتەرمەن سەرىكتەستىكتە جۇمىس ىستەيتىن 20-عا جۋىق جوعارى وقۋ ورنى ستۋدەنتتەردى قابىلداي باستادى. بۇل – قازاقستاندى وڭىرلىك ءبىلىم حابى رەتىندە قالىپتاستىرۋ جولىنداعى ماڭىزدى قادام.2025 جىلعى مەملەكەتتىك ءبىلىم بەرۋ گرانتتارىن تاعايىنداۋ كونكۋرسىنا 113 مىڭعا جۋىق ءوتىنىش قابىلدانعان, بۇل وتكەن جىلمەن سالىستىرعاندا 9 مىڭعا كوپ.سونداي-اق گرانتتاردى ءبولۋ كەزىندە الەۋمەتتىك وسال توپتارعا جاتاتىن بالالار ءۇشىن زاڭنامادا بەلگىلەنگەن كۆوتالار ساقتالادى.دارىندى جاستاردى قولداۋ ماقساتىندا كونكۋرسسىز بەرىلەتىن گرانتتار دا قاراستىرىلعان. ولار حالىقارالىق وليمپيادالار مەن سپورتتىق جارىستاردىڭ جەڭىمپازدارىنا بەرىلەدى.بۇدان بولەك, مينيسترلىك جوعارى بىلىمگە قولجەتىمدىلىكتى كەڭەيتۋگە باعىتتالعان قوسىمشا تەتىكتەردى ەنگىزدى.اتاپ ايتقاندا, مەملەكەت باسشىسىنىڭ تاپسىرماسى بويىنشا بيىل 5 جاسار بالاعا ەسەپشوت اشۋ كەزىندە باستاپقى ءبىلىم بەرۋ كاپيتالىن تولەۋدى كوزدەيتىن «كەلەشەك» بىرىڭعاي ەرىكتى جيناقتاۋ جۇيەسى ىسكە قوسىلدى. سونىمەن قاتار بۇل جۇيە بارلىق سالىمشىلارعا مەملەكەتتىك سىياقى مەن ەكىنشى دەڭگەيلى بانكتەر مەن ساقتاندىرۋ كومپانيالارىنىڭ سىياقىسىن تولەۋدى قاراستىرادى. «كەلەشەك» جۇيەسى بويىنشا جينالعان قاراجاتتى «ۇلتتىق قور – بالالارعا» جوباسىنىڭ قاراجاتىمەن بىرىكتىرۋگە بولادى.2024 جىلى العاش رەت وقۋعا جۇمسالاتىن شىعىنداردىڭ ءبىر بولىگىن جاباتىن سارالانعان گرانتتار تاعايىندالدى, قالعان سومانى يەگەرلەر ءوز قاراجاتتارى ەسەبىنەن نەمەسە جەڭىلدەتىلگەن وقۋ نەسيەسى ارقىلى تولەي الادى. 2025 جىلى سارالانعان گرانتتار سانى 300 گرانتتى قۇرايدى. سارالانعان گرانتتار بويىنشا كونكۋرس وسى جىلدىڭ قىركۇيەك ايىندا وتەدى.العاش رەت مەرزىمدى اسكەري قىزمەت وتكەرىپ جاتقان ازاماتتار ءۇشىن 2 010 ءبىلىم بەرۋ گرانتى ءبولىندى. بۇل شارا اسكەري قىزمەتىن وتەپ بولعان سوڭ اسكەري قىزمەتشىلەردىڭ الەۋمەتتىك بەيىمدەلۋىن قولداۋعا جانە جوعارى ءبىلىم الۋعا تەڭ مۇمكىندىك بەرۋ ماقساتىندا قولعا الىندى.گرانت يەگەرلەرى ءتىزىمىن مىنا جەردەن جۇكتەپ الۋعا بولادى.جوعارى وقۋ ورىندارىنا قۇجاتتاردى تاپسىرۋ 25 تامىزعا دەيىن (قوسا العاندا) جۇزەگە اسىرىلادى.