مەملەكەت باسشىسىنىڭ تاپسىرماسى بويىنشا 2024 جىلدان باستاپ مەكتەپكە دەيىنگى ۇيىمداردا ۆاۋچەرلىك قارجىلاندىرۋ جۇيەسى كەزەڭ-كەزەڭىمەن ەنگىزىلىپ جاتىر. جوبا – بالاباقشالاردا قىزمەتتەردىڭ قولجەتىمدىلىگى مەن ساپاسىن ارتتىرۋعا جانە اشىقتىقتى قامتاماسىز ەتۋگە باعىتتالعان, دەپ حابارلايدى Egemen.kz.
ۆاۋچەرلىك قارجىلاندىرۋ تەتىگى 20 قالا مەن 7 اۋداندا جۇزەگە اسىرىلىپ جاتىر.
«بۇگىندە ۆاۋچەرلىك قارجىلاندىرۋ جۇيەسىنە 4,7 مىڭعا جۋىق مەكتەپكە دەيىنگى ۇيىم قوسىلدى, 500 مىڭنان استام بالا بالاباقشادان ورىن الدى. رەسپۋبليكالىق ماڭىزى بار قالالاردا كەزەك ەكى ەسە قىسقاردى», دەپ مالىمدەدى مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى مانار اداموۆا.
وقۋ-اعارتۋ مينيسترلىگىنىڭ مالىمەتىنشە, ۆاۋچەرلىك قارجىلاندىرۋ جۇيەسى بوس ورىندارى بار جانە بەلگىلەنگەن تالاپتارعا ساي كەلەتىن مەكتەپكە دەيىنگى ۇيىمدارعا قولجەتىمدىلىكتى قامتاماسىز ەتەدى. اتا-انالارعا بالاباقشانى ءوز قالاۋىنشا تاڭداۋ مۇمكىندىگى بەرىلگەن, بۇل جەكە جانە مەملەكەتتىك بالاباقشالار اراسىندا سالاۋاتتى باسەكەلەستىكتى قالىپتاستىرادى.
جۇيە ەڭ الدىمەن «اقشا بالاعا بەرىلەدى» قاعيداتىنا نەگىزدەلگەن قارجىلاندىرۋدىڭ اشىقتىعىن قامتاماسىز ەتەتىن نەگىزگى شارتتى قامتيدى. قاراجات تەك بالانىڭ بارۋىن اتا-انالار راستاعاننان كەيىن عانا اۋدارىلادى.
«بارلىق مەكتەپكە دەيىنگى ۇيىمداردى ۆاۋچەرلىك قارجىلاندىرۋعا كوشىرۋ 2025 جىلدىڭ سوڭىنا دەيىن تولىق اياقتالادى دەپ جوسپارلانىپ وتىر», دەلىنگەن حابارلامادا.