وتكەن جىلى جەزقازعان قالاسىندا 40 كونتەينەر الاڭىندا جەر استى كونتەينەرلەرىن ورناتۋ جوسپارلانعان بولاتىن. بۇل جوبا قالا تۇرعىندارىنىڭ قالدىقتاردى جيناۋ جۇيەسىن جەتىلدىرۋگە جانە ەكولوگيالىق جاعدايدى جاقسارتۋعا باعىتتالعان, دەپ حابارلايدى Egemen.kz.
2024 جىلى قالادا 22 جەر استى كونتەينەرى ورناتىلدى. ال 2025 جىلى تاعى 18 كونتەينەر ورناتۋ جوسپارلانىپ وتىر. بۇل جۇمىستار قالادا تۇرمىستىق قالدىقتاردى جيناۋ مەن سۇرىپتاۋ ءىسىن وڭتايلاندىرىپ, قالا ەكولوگياسىنا ەلەۋلى وڭ وزگەرىستەر اكەلۋگە مۇمكىندىك بەرەدى.
جوبانىڭ جالپى قارجىلاندىرۋ سوماسى 85,9 ميلليون تەڭگە, ونىڭ 100%-ى قالالىق بيۋدجەتتەن بولىنگەن. اتالعان جوبانى جۇزەگە اسىرۋ ءۇشىن «دامۋ نيەت 2016 مب» جاۋاپكەرشىلىگى شەكتەۋلى سەرىكتەستىگىمەن كەلىسىمشارت جاسالدى. كەلىسىمشارتتىڭ جالپى سوماسى 60,1 ميلليون تەڭگە.
جەر استى كونتەينەرلەرىن ورناتۋ جۇمىستارى جەزقازعان قالاسىنىڭ تازالىعى مەن ەكولوگيالىق احۋالىن جاقسارتۋعا جانە قالاداعى تۇرمىستىق قالدىقتاردى وڭدەۋگە سەپتىگىن تيگىزەدى.
ۇلىتاۋ وبلىسى