پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا انا مەن بالا ءولىمىن ازايتۋ شارالارى قارالدى, دەپ حابارلايدى Egemen.kz.
«مەملەكەت باسشىسى انا مەن بالا ءولىمى دەڭگەيىن تومەندەتۋدى دەنساۋلىق ساقتاۋ جۇيەسىن دامىتۋدىڭ ماڭىزدى باسىمدىعى رەتىندە ايقىنداپ بەردى. بۇل وڭىرلەردىڭ الەۋمەتتىك-ەكونوميكالىق ءال-اۋقاتى مەن ەلىمىزدىڭ جاھاندىق باسەكەگە قابىلەتتىلىك يندەكسىنە اسەر ەتەدى. جالپى العاندا, قابىلدانعان شارالار انا مەن بالا ءولىمى دەڭگەيىن تومەندەتۋگە مۇمكىندىك بەردى. ارينە, بۇل – مەديتسينا قىزمەتكەرلەرى ەڭبەگىنىڭ ناتيجەسى», دەدى ولجاس بەكتەنوۆ.
دەنساۋلىق ساقتاۋ مينيسترلىگىنىڭ مالىمەتىنشە, 2025 جىلدىڭ 6 ايىندا انا ءولىمى دەڭگەيى 10%-عا, نارەستە ءولىمى 26,3%-عا تومەندەگەن.
پرەمەر-مينيستر ءولىم-ءجىتىم دەڭگەيىن ودان ءارى تومەندەتۋ جونىندە بىرقاتار تاپسىرما بەردى.