ۇلىتاۋ وبلىسى پوليتسيا دەپارتامەنتىنىڭ قىزمەتكەرلەرى «تازا قازاقستان» جالپىۇلتتىق ەكولوگيالىق اكتسياسى اياسىندا رۇقسات ەتىلمەگەن جەرلەرگە قوقىس تاستاۋ فاكتىلەرىن انىقتاۋ جۇمىستارىن جۇرگىزىپ جاتىر.
رۇقسات ەتىلمەگەن جەرلەرگە قوقىس تاستاۋ قورشاعان ورتاعا زيان كەلتىرىپ قانا قويماي, قولدانىستاعى زاڭنامالارعا سايكەس اكىمشىلىك جاۋاپكەرشىلىككە اكەپ سوعادى. اكتسيا باستالعالى بەرى دروننىڭ كومەگىمەن 14 رۇقسات ەتىلمەگەن قوقىس ءۇيىندىسى انىقتالدى. انىقتالعان ءاربىر فاكت بويىنشا تىڭعىلىقتى جۇمىس جۇرگىزىلىپ, ناتيجەسىندە 32 قۇقىق بۇزۋشى جاۋاپكەرشىلىككە تارتىلدى.
جالپى, جىل باسىنان بەرى پوليتسيا دەپارتامەنتى اكىمشىلىك قۇقىق بۇزۋشىلىقتاردى انىقتاۋ, ولاردىڭ الدىن الۋ باعىتىندا بەلسەندى جۇمىس جۇرگىزدى. ايماقتاعى قالالار مەن ەلدى مەكەندەردىڭ تازالىعى مەن اباتتاندىرىلۋىن قامتاماسىز ەتۋ ماقساتىندا جۇرگىزىلگەن جۇمىس ناتيجەسىندە بىرقاتار قۇقىق بۇزۋشىلىق, اتاپ ايتقاندا, اكىمشىلىك قۇقىق بۇزۋشىلىق كودەكسىنىڭ 505-بابى (قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ) بويىنشا 999 قۇقىق بۇزۋشىلىق انىقتالدى.
سونىمەن قاتار قوعامدىق ورىندارداعى تازالىقتى ساقتاماۋعا باعىتتالعان ارەكەتتەرگە دە قاتاڭ شارالار قولدانىلىپ جاتىر. ماسەلەن, ورتاق پايدالانىلاتىن ورىنداردى لاستاپ, تازالىققا نەمقۇرايدى قاراعان 317 تۇرعىن اكىمشىلىك جاۋاپكەرشىلىككە تارتىلدى.
كوممۋنالدىق قىزمەتتەردىڭ جاۋاپكەرشىلىگى دە ۇدايى نازاردا. ايتالىق, ء«سات تازالىق» مەكەمەسى ءوز مىندەتتەرىن ءتيىستى دەڭگەيدە ورىنداماعانى ءۇشىن 12 رەت جاۋاپكەرشىلىككە تارتىلعان.
قۇقىق بۇزۋشىلىقتاردى انىقتاۋدا بەينەكامەرالار ۇتىمدى قولدانىلىپ كەلەدى. زاماناۋي تەحنولوگيالاردى پايدالانۋ قۇقىق بۇزۋشىلىقتاردى جەدەل انىقتاۋعا, ولاردىڭ الدىن الۋعا مۇمكىندىك بەرەدى. پوليتسيا دەپارتامەنتى قالا مەن ەلدى مەكەندەردىڭ تازالىعى مەن ءتارتىبىن ساقتاۋ ماقساتىنداعى جۇمىستاردى الداعى ۋاقىتتا دا جۇيەلى تۇردە جالعاستىرادى.
ۇلىتاۋ وبلىسى