بيىل اقپاندا بيزنەس وكىلدەرىمەن وتكەن كەزدەسۋ مەملەكەتتىڭ ەكونوميكانى دامىتۋشىلارمەن بىرلەسۋ ۇرانىمەن ۇيىمداستىرىلدى. وندا مەملەكەت باسشىسى مىناداي ماڭىزدى جايتقا توقتالدى: «ەكونوميكانى دامىتۋدىڭ باسىم باعىتتارى ءىرى ينفراقۇرىلىمدىق جانە ونەركاسىپتىك جوبالار, تسيفرلاندىرۋ مەن جاساندى ينتەللەكت, كولىك جانە لوگيستيكا سالالارى بولۋى ءتيىس. سونىمەن بىرگە شاعىن جانە ورتا بيزنەستى قولداۋ ۇكىمەتتىڭ ۇنەمى باستى نازارىندا بولادى».
پرەزيدەنت ايتقان ويدى تولىقتىرا تۇسسەك, كاسىپكەرلىك ورتا – تۇراقتى ەكونوميكالىق ءوسىمنىڭ ىرگەتاسى. سەبەبى بۇل سالا ەلدىڭ ينۆەستيتسيالىق تارتىمدىلىعىن ارتتىرىپ, حالىقتىڭ ءال-اۋقاتىن قامتاماسىز ەتەدى. بۇگىندە قازاقستاننىڭ جالپى ىشكى ءونىمىنىڭ شامامەن 60 پايىزىن قىزمەت كورسەتۋ سالاسى قۇرايدى. بۇل – باسەكەلەستىكتى دامىتىپ, جاڭا جۇمىس ورىندارىن اشۋعا ىقپال ەتەتىن ماڭىزدى سەكتور.
جاھاندىق ۇردىستەر ۇنەمى وزگەرىپ جاتقان قازىرگى كەزەڭدە بيزنەس تە ءبىر ورىندا تۇرمايدى, ول ۇنەمى دامىپ, جەتىلۋ ۇستىندە. وسى باعىتتا كوزگە ءتۇسىپ جۇرگەن كومپانيالاردىڭ ءبىرى – «Favoritە» جشس. وعان جاس كاسىپكەر ءارى تالانتتى باسقارۋشى رايس اعاەۆ جەتەكشىلىك ەتەدى.
كاسىبي اۆتوسەرۆيس سالاسىندا رايس اعاەۆتىڭ ەسىمى سەنىمدىلىك پەن ساپانىڭ سيمۆولىنا اينالدى. جاسىنا قاراماستان, ول ءىرى وتاندىق اۆتوپاركتەرگە قىزمەت كورسەتۋ نارىعىنا B2B قاعيداتىن ەنگىزگەن العاشقى كاسىپكەرلەردىڭ ءبىرى بولدى. بۇل كومپانيالار قاتارىندا Mycar, Apple City, «فلاگمان كازاحستان» جشس بار.
قىزىقتى دەرەك – بۇگىندە اۆتوسەرۆيس سالاسىندا رايس اعاەۆ پەن ونىڭ «Favoritە» كومپانياسىنىڭ قىزمەتى ايتارلىقتاي وزگەرىستەرگە سەبەپ بولدى. جاس كاسىپكەردىڭ باستاماسى اۆتوموبيلگە قىزمەت كورسەتۋ نارىعىن ترانسفورماتسيالاۋدا شەشۋشى ءرول اتقارىپ, ىشكى تۇتىنۋشىلار ءۇشىن ەرەجەنى تۇبەگەيلى وزگەرتتى.
كومپانيانىڭ باستى ارتىقشىلىقتارىنىڭ ءبىرى – تەحنيكالىق قىزمەت كورسەتۋ سالاسىن اۆتوماتتاندىرۋ. بۇل ىشكى پروتسەستەردى تيىمدىرەك ۇيىمداستىرۋعا, ۋاقىتتى ۇنەمدەۋگە جانە قول ەڭبەگىن ازايتۋعا مۇمكىندىك بەرەدى. مۇنداي ءتاسىل ونىمدىلىكتى ارتتىرىپ قانا قويماي, ىشكى نارىقتى كەڭەيتۋ مەن تۇتىنۋشىلار سۇرانىسىن وسىرۋگە جول اشادى. بۇل اۆتوماتتاندىرۋ قازىرگى زامانعى كومپانيالاردىڭ ستراتەگيالىق ءوسۋ قۇرالى ەكەنىن كورسەتەدى.
«Favoritە» جشس بىرنەشە جىل بۇرىن شاعىن جەرگىلىكتى اۆتوسەرۆيس رەتىندە جۇمىسىن باستاعان بولاتىن. رايس اعاەۆتىڭ ساۋاتتى باسشىلىعىنىڭ ارقاسىندا ول قىسقا مەرزىم ىشىندە قارقىندى دامىپ, قازاقستاننىڭ تۇكپىر-تۇكپىرىندە ورنالاسقان اۆتوماتتاندىرىلعان اۆتوسەرۆيس جەلىسىنە اينالدى. باسشىلىقتىڭ نەگىزگى ماقساتى – اۆتوموبيلدەردى جوندەۋ پروتسەسىن جۇيەلەۋ جانە جاڭا تەحنولوگيالاردى ەنگىزۋ بولدى. بۇل ءتاسىل كولىكتى دياگنوستيكالاۋدان باستاپ جوندەۋ جۇمىستارىنىڭ تولىق اياقتالۋىنا دەيىنگى بارلىق كەزەڭدەردى قامتيدى.
رايس اعاەۆتىڭ ايتۋىنشا, «Favoritە» جشس تۇتىنۋشىلار ءۇشىن كورسەتىلەتىن قىزمەت ساپاسىن بارىنشا ىڭعايلى جانە سەنىمدى ەتۋگە كۇش سالعان.
– سوندىقتان ءبىزدىڭ ءاربىر سەرۆيس ورتالىعىندا ونلاين جازىلۋعا جانە اۆتوكولىكتىڭ تەحنيكالىق جاعدايى جونىندە اۆتوماتتى تۇردە حابارلاما الۋعا مۇمكىندىك بەرەتىن ارنايى جۇيە ەنگىزىلگەن. جوندەۋ بارىسىن ونلاين باقىلاۋعا بولادى. وسى ارقىلى قىزمەت كورسەتۋ ۋاقىتى ايتارلىقتاي قىسقارىپ, جۇمىسىمىز بارىنشا اشىق بولا ءتۇستى. سونىڭ ارقاسىندا ءبىز كوپتەگەن تۇراقتى كليەنتتەردىڭ, اسىرەسە ءىرى كومپانيالاردىڭ سەنىمىنە يە بولدىق, – دەيدى كاسىپكەر.
«Favoritە» جشس كومپانياسىنىڭ ماڭىزدى الەۋمەتتىك ميسسياسى بار – الداعى بىرنەشە جىلدا 100-دەن استام جۇمىس ورنىن اشۋ. بۇعان ناقتى نەگىز بار. كومپانيا قىزمەتىنىڭ ناتيجەسىندە الماتى مەن استانادان باستاپ باتىس قازاقستانعا دەيىنگى قالالاردا ءوز جەلىسىن كەڭەيتۋگە قول جەتكىزدى. بۇل كوپتەگەن بىلىكتى ماماندار ءۇشىن تۇراقتى جۇمىس ورىندارىن اشۋعا مۇمكىندىك بەردى. ولاردىڭ قاتارىندا مەحانيكتەر, ينجەنەرلەر, IT-ماماندار مەن مەنەدجەرلەر بار. بۇل, اسىرەسە پاندەميادان كەيىنگى كەزەڭدە ەڭبەك نارىعى ءالى دە قيىندىقتارعا تاپ بولىپ جاتقان قازاقستان ەكونوميكاسى ءۇشىن اسا ماڭىزدى.
بولاشاققا جوسپارلارىمەن بولىسكەن رايس اعاەۆ باستى ماقساتى – جاي عانا سەرۆيستىك جەلى ەمەس, قىزمەتكەرلەردى كاسىبي دايارلاۋعا باسىمدىق بەرەتىن تولىققاندى جۇيە قۇرۋ ەكەنىن اتاپ ءوتتى. وسى ماقساتتا كومپانيا جاس مامانداردى سەرتيفيكاتتاۋدىڭ ءوز باعدارلاماسىن ازىرلەدى. تەحنيكالىق كوللەدجدەرمەن ارىپتەستىك جاس مامانداردى وندىرىستىك پروتسەسكە تەز بەيىمدەلۋگە جول اشادى. كوللەدج تۇلەكتەرىنە بەيىمدەلۋ كەزەڭى بارىنشا قىسقارعان.
سونىمەن قاتار «Favorit» كومپانياسى ءوز قىزمەتىن شەت ەلدەرگە دە كەڭەيتۋدى جوسپارلاپ وتىر. قازىردىڭ وزىندە وزبەكستان مەن قىرعىزستان نارىعىنا شىعۋ مۇمكىندىكتەرى زەرتتەلۋدە. رايس اعاەۆ قازاقستاندا فرانچايزينگ جۇيەسىن دامىتۋ يدەياسىن دا كوپتەن بەرى ويلاپ جۇرگەنىن ايتادى. بۇل كومپانيانىڭ فيليالدارىن كوبەيتىپ, اۋقىمىن كەڭەيتۋگە جول اشادى. وسى ماقساتتا جاساندى ينتەللەكت سياقتى زاماناۋي تەحنولوگيالاردى پايدالانىپ, اۆتودياگنوستيكانى بۇرىنعىدان دا جىلدام ءارى ءدال ەتۋ كوزدەلىپ وتىر.
بۇگىندە مەملەكەت ەكونوميكانى دامىتۋعا مۇددەلى جانە ءوز قاراجاتىن جاڭا يدەيالارعا سالىپ, جۇمىس ورىندارىن اشىپ جاتقان تالانتتى ءارى باستاماشىل كاسىپكەرلەردى قولداپ وتىر. بۇل ەلىمىزدە بيزنەس جۇرگىزۋگە قولايلى جاعداي جاسالعانىن كورسەتەدى. اسىرەسە يننوۆاتسيالىق جوبالارمەن اينالىساتىن جانە باسەكەگە قابىلەتتى كاسىپورىنداردى قۇراتىندار ءۇشىن مۇمكىندىكتەر مول. ويتكەنى ءدال وسىنداي كاسىپكەرلەر ەل ءومىرىن جاقسارتىپ, قازاقستاندى دامۋعا جانە وركەندەۋگە جەتەلەيدى.
جاس كاسىپكەردىڭ جەتىستىكتەرى دە ەلەۋسىز قالعان جوق. 2024 جىلى رايس اعاەۆ «قازاقستاننىڭ قۇرمەتتى ازاماتى» مەدالىمەن ماراپاتتالدى. بۇل ماراپات ەل ەكونوميكاسى مەن الەۋمەتتىك سالاسىنىڭ دامۋىنا ەرەكشە ۇلەس قوسقان ازاماتتارعا بەرىلەدى. مۇنداي ماراپاتتار مەملەكەتتىك قايراتكەرلەرگە دە تابىستالاتىنىن ەسكەرسەك, بۇل – ۇلكەن مارتەبە.
رايس اعاەۆ تسيفرلىق تەحنولوگيالار, ساۋاتتى باسقارۋ جانە الەۋمەتتىك جاۋاپكەرشىلىك ارقىلى تۇتاس سالانى جاڭعىرتىپ, ونى تابىستى ەتۋگە بولاتىنىن دالەلدەدى. ونىڭ ۇلگىسى قازاقستاندىق كاسىپكەرلەردىڭ الەمدىك ۇردىستەردەن قالىسپاي, كەرىسىنشە, الدا كەلە جاتقانىن كورسەتەدى.