2019 جىلدان بەرى استانا قالاسى اكىمدىگى جانىندا ەلىمىزدەگى العاشقى «جانۇيا» وتباسى ينستيتۋتىن قولداۋ ورتالىعى جۇمىس جاساپ كەلەدى. بايىپتى قۇرىلىم وزگە وڭىرلەردە وسىنداي ۇلگىنى ودان ءارى تاراتۋ ءۇشىن مودەلدىك الاڭعا اينالدى. ورتالىق تاجىريبەسىنىڭ ارقاسىندا ەلىمىز كولەمىندە وتباسىن قولدايتىن وسىنداي 116 مەكەمە اشىلدى.
وتباسىن قولداۋ ورتالىقتارى تۇرعىندارعا قۇقىقتىق, پسيحولوگيالىق كومەك كورسەتەدى. سونداي-اق «نەكە جانە ەرلى-زايىپتىلىق تۋرالى» كودەكسكە سايكەس ومىرلىك قيىن جاعدايعا تاپ بولعان ادامداردى (وتباسىلاردى) ەرتە انىقتاۋ, قولداۋ كورسەتۋدى ۇيىمداستىرۋ جونىندەگى ءموبيلدى توپتاردىڭ ۇيىمداستىرۋشىسى بولىپ سانالادى. سونىمەن قاتار, الەۋمەتتىك قىزمەتتەر پورتالىندا مۇگەدەكتەرگە وڭالتۋ ونىمدەرى مەن قىزمەتتەرىن الۋعا وتىنىشتەردى تولتىرۋدا كونسۋلتاتسيا بەرۋ, كومەك كورسەتۋدى ۇيىمداستىرادى.
مەملەكەت باسشىسىنىڭ تاپسىرماسىمەن 2023 جىلعى 1 قاڭتاردان باستاپ وتباسىنىڭ ساندىق كارتاسى ىسكە قوسىلعان, ول وتباسىلاردىڭ (ادامداردىڭ) ءتىزىمىن ولاردىڭ الەۋمەتتىك ءال-اۋقاتىنىڭ دەڭگەيى بويىنشا قالىپتاستىرۋعا, سەگمەنتتەۋگە مۇمكىندىك بەرەدى.
وتكەن جىلى «جانۇيا» ورتالىعى 41 مىڭنان استام ادامدى قابىلداپ, باس-اياعى 44 مىڭنان استام ءوتىنىش تىركەدى. ەڭ سۇرانىسقا يە باعىتتار – جۇمىسپەن قامتۋ, جاردەماقىلاردى رەسىمدەۋ, زاڭگەرلىك, پسيحولوگيالىق كومەك ماسەلەلەرى بويىنشا كونسۋلتاتسيالار.
قايىرىمدىلىق قورلارى ارقىلى 2 051 وتباسىنا اتاۋلى كومەك كورسەتىلدى. ومىرلىك قيىن جاعدايعا تاپ بولعان وتباسىلاردىڭ, ماماندار مەن ۇەۇ-نىڭ قاتىسۋىمەن 64 ءىس-شارا وتكىزىلدى. وتكەن جىلى 170 وتباسى الەۋمەتتىك قامقورلىققا الىندى. بۇگىندە 83 وتباسى قولداۋ ارقاسىندا ولار قيىن جاعدايدان شىعىپ, ومىرلەرىن قالپىنا كەلتىرە الدى.
2025 جىلدىڭ باسىنان قۇرامىندا 670 ادام بار 142 وتباسى تۇراقتى قولداۋعا يە. بۇل وتباسىلار پسيحولوگيالىق, قۇقىقتىق قولداۋدى, سونداي-اق جۇمىسقا ورنالاسۋعا قولداۋ كورسەتۋدى ەسەپتەگەندە, جان-جاقتى كومەك الۋدى جالعاستىرىپ جاتىر.