شىلىڭگىر شىلدە باستالعالى بەرى بالقاش القاپتارىنداعى ارپا-بيداي ورۋ جۇمىسى جاندانىپ, دالا ءتوسى دۇبىرگە بولەنىپ جاتىر. اۋداندىق اۋىل شارۋاشىلىعى ماماندارىنىڭ مالىمەتىنشە, بيىل 16 124,1 گەكتار سۋارمالى جەرگە ەگىن ەگىلسە, ونىڭ 5 066 گەكتارىنا ارپا-بيداي, 500 گەكتارعا س ۇلى, 7 000 گەكتار جەرگە كۇرىش داقىلدارى سەبىلگەن. وسى كۇنى ديقاندار ەگىن وراعىنىڭ 510 گەكتارىن باستىرىپ ۇلگەرگەن.
اقدالا اۋىلدىق وكرۋگىندەگى «مارات» شارۋا قوجالىعى شارۋاشىلىققا تيەسىلى 90 گەكتار سۋارمالى جەرگە ەگىلگەن ءداندى داقىلدىڭ ءار گەكتارىنان 18 تسەنتنەردەن ءونىم الۋدى كوزدەپ وتىر. بولىمشە باسشىسى نۇركەن پۇشانوۆ پەن مەحانيزاتورلار ءاليحان كوشەرباەۆ, عالىم قورجىنباەۆ باستاعان ەڭبەك ادامدارىنىڭ تىنىمسىز تىرلىگى قالىپتى جاعداي سانالادى. ۋاقىتپەن ساناسپاي ەڭبەك ەتۋدىڭ ناتيجەسىندە اتالعان شارۋاشىلىق ديقاندارى بۇگىندە ەگىلگەن بيدايدىڭ 90 پايىزىن باستىرىپ ۇلگەرگەن. ەگىن وراعىن ساپالى اتقارۋ ماقساتىندا ءبىر «MacDon», ءبىر «Claas Trion 730» كومبايندارىن, سونىمەن قاتار استىق تاسمالداۋعا ەكى «كاماز» اۆتوكولىگىن ىسكە قوسقان. تەحنيكا كۇشىمەن ەگىستىك القاپتارىنداعى جۇمىس ساپالى جۇرگىزىلىپ, اياقتالۋعا تاياپ كەلەدى. 120 گەكتار جەردە دالا ارۋى – اق كۇرىش تە جايقالىپ تۇر. سۋدى بويلاي وسكەن ءداننىڭ قاۋىز جارا باستاعانى بايقالادى.
300 گەكتار سۋارمالى جەرگە ەگىلگەن جوڭىشقا ءشوبىنىڭ ءبىرىنشى ورىلىمى ويداعىداي اياقتالعان. 8 000 وراما ءشوپ باستىرىپ, قىسقى مال ازىعىنىڭ بەرىك قورى جاسالىپتى.
الماتى وبلىسى