تايلاندتىڭ ورتالىعىندا ورنالاسقان سۋپحانبۋري پروۆينتسياسىنداعى فەيەرۆەرك شىعاراتىن زاۋىتتاعى جارىلىستان كەمىندە توعىز ادام مەرت بولىپ, ەكى ادام ءتۇرلى جاراقات العان. اپات جەرگىلىكتى ۋاقىتپەن 11:10-دا بولعان, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
وقيعا ورنىنا جەتكەن قۇتقارۋشىلار زارداپ شەككەندەردى شۇعىل تۇردە جاقىن ماڭداعى اۋرۋحاناعا جەتكىزگەن.
جارىلىستىڭ ناقتى سەبەبى ازىرگە بەلگىسىز, ءتيىستى ورگاندار تەكسەرۋ جۇمىستارىن جۇرگىزىپ جاتىر.
ايتا كەتەيىك, مۇنداي وقيعا بۇعان دەيىن ءۇندىستاندا دا تىركەلگەن بولاتىن. وندا فەيەرۆەرك فابريكاسىندا بولعان جارىلىس سالدارىنان سەگىز ادام كوز جۇمعان ەدى. ال گەرمانياداعى رەين جارمەڭكەسىندە ۇيىمداستىرىلعان وتشاشۋ كەزىندە 19 ادام ءتۇرلى جاراقات العان.