جامبىل وبلىسىندا بولعان اتىس سالدارىنان ءتورت ادام جارالانعان. ولار 29 شىلدە كۇنى كەشكى ساعات 21:30 شاماسىندا مويىنقۇم اۋداندىق اۋرۋحاناسىنا جەتكىزىلگەن, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ الدىن الا مالىمەتى بويىنشا, جابىرلەنۋشىلەر جاراقاتتى تراۆماتيكالىق قارۋدان العان. اتالعان دەرەك بويىنشا قىلمىستىق ءىس قوزعالعان.
قازىرگى ۋاقىتتا پوليتسيا قىزمەتكەرلەرى وقيعانىڭ ءمان-جايىن انىقتاۋ ءۇشىن جەدەل-ىزدەستىرۋ جانە تەرگەۋ شارالارىن جۇرگىزىپ جاتىر.
ايتا كەتەيىك, سوڭعى ءۇش جىلدا قازاقستاندىقتار 4 مىڭعا جۋىق قارۋدى ەرىكتى تۇردە تاپسىرعان.