بۇگىنگى كۇنى جاڭا ماماندىقتار اتلاسىندا مينيسترلىك جەتەكشىلىك ەتەتىن سالالار بويىنشا 75 جاڭا ماماندىق بار. بۇل تۋرالى ۇكىمەت وتىرىسىندا ونەركاسىپ جانە قۇرىلىس ۆيتسە-ءمينيسترى يران شارحان مالىمدەدى, دەپ جازادى Egemen.kz.
ول مينيسترلىك جەتەكشىلىك ەتەتىن سالالار بويىنشا كادرلارعا قاجەتتىلىك شامامەن 40 مىڭ ادامدى قۇرايتىنىن اتاپ ءوتتى. بۇگىنگى تاڭدا جاڭا كاسىپتەر اتلاسى مينيسترلىك جەلىسى بويىنشا 75 جاڭا كاسىپتى قامتيدى.
«مىسالى, مەتاللۋرگيا جانە تاۋ-كەن ءوندىرىسى سالاسىندا سمارت جۇيەلەردى ازىرلەۋشى, روبوتتاندىرىلعان تاۋ تەحنيكاسىنىڭ وپەراتورى, ماشينا جاساۋ سالاسىندا – ۆيرتۋالدى پروتوتيپتەۋشى مامانى, قۇرىلىستا – Big Data تالداۋشىسى, «اقىلدى ءۇي» جوبالاۋشىسى سياقتى جاڭا ماماندىقتار پايدا بولدى. سونىمەن قاتار, بيزنەس پروتسەستەردى اۆتوماتتاندىرۋعا بايلانىستى 40-تان استام ماماندىق وزگەرىسكە ۇشىرادى», دەدى يران شارحان.
بيىل 190 ينۆەستيتسيالىق جوبانى ىسكە قوسۋ بارىسىندا ماشينا جاساۋدا تاعى 8 جاڭا ماماندىق پايدا بولاتىنى اتاپ ءوتىلدى. مىسالى, ولاردىڭ قاتارىندا 3D باسىپ شىعارۋ جانە دانەكەرلەۋ ينجەنەرى, روبوتتاندىرىلعان بوياۋ جۇيەلەرىنىڭ وپەراتورى بار.