چەرنوگوريانىڭ پودگوريتسا قالاسىنداعى ۇلتتىق كىتاپحانادا ۇلتىمىزدىڭ باس اقىنى, فيلوسوف, اعارتۋشى اباي قۇنانباي ۇلىنىڭ 180 جىلدىعىنا وراي اباي ورتالىعى اشىلدى, دەپ جازادى Egemen.kz.
ورتالىق اباي قۇنانباي ۇلىنىڭ شىعارماشىلىعىن حالىقارالىق دەڭگەيدە ناسيحاتتاۋعا دەن قويادى.
مادەني ماڭىزى زور شارا ەلىمىزدىڭ سىرتقى ىستەر مينيسترلىگى مەن مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلعان.
اباي ورتالىعىنىڭ اشىلۋ سالتاناتىنا چەرنوگوريانىڭ قازاقستان, اۆستريا, گەرمانيا, سلوۆاكيا, يسپانيا, يتاليا, ۆەنگريا, بولگاريا, تۇركيا جانە گرەتسيا ەلشىلىكتەرىنىڭ ديپلوماتيالىق وكىلدەرى, زيالى قاۋىم وكىلدەرى, قوعام بەلسەندىلەرى قاتىسقان.
شارا بارىسىندا ورتالىققا جۇزدەن اسا قۇجات تابىس ەتىلگەن. ولاردىڭ ىشىندە قازاق, ورىس, اعىلشىن, قىتاي ت.ب كوپتەگەن تىلدەرگە اۋدارىلعان ابايدىڭ شىعارمالارى, قاراسوزدەرى, ابايتانۋ كىتاپتارى, ءومىر جولى مەن شىعارماشىلىعىنا قاتىستى قۇندى دەرەكتەر, سونىمەن قاتار قازاق جازۋشىلارى ءابىش كەكىلباەۆ, كەمەل توقاەۆ, تالاسبەك اسەمقۇلوۆ سىندى ۇلت زيالىلارىنىڭ كىتاپتارى بار.
مادەنيەت جانە اقپارات مينيسترلىگىنىڭ مالىمەتىنشە, بۇل قۇجاتتار قر ۇلتتىق اكادەميالىق كىتاپحاناسى مەن ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەي-قورىعىنان الىنعان.