ەڭبەك جانە حالىقتى الەۋمەتتىك قورعاۋ مينيسترلىگى جەكە كومەكشى قىزمەتىن كورسەتەتىن ازاماتتار ساناتىن كەڭەيتۋدى كوزدەيتىن بۇيرىق جوباسىن قوعامدىق تالقىعا شىعاردى, دەپ جازادى Egemen.kz.
قۇجاتقا سايكەس, 2026 جىلدان باستاپ زەينەتكەرلىك جاسقا جەتكەن ازاماتتار ءبىرىنشى توپتاعى مۇگەدەكتىگى بار جۇبايىنا رەسمي تۇردە جەكە كومەكشى رەتىندە تىركەلىپ, جاردەماقى الۋ قۇقىعىنا يە بولادى. بۇعان دەيىن زاڭناما بويىنشا زەينەتكە شىققاننان كەيىن بۇل قىزمەت توقتاتىلاتىن.
بۇيرىق جوباسىندا سونداي-اق جەكە كومەكشى بولىپ بەكىتىلەتىن ادامنىڭ مۇگەدەك ازاماتپەن ءبىر ەلدىمەكەندە تۇرۋى مىندەتتى دەگەن تالاپ كورسەتىلگەن.
مينيسترلىك بۇل وزگەرىس كومەككە مۇقتاج ازاماتتاردىڭ قاجەتتىلىگىن قامتاماسىز ەتۋگە جانە وتباسىنداعى كۇتىم جۇيەسىن رەسميلەندىرۋگە باعىتتالعانىن مالىمدەدى. قوعامدىق تالقىلاۋ اياقتالعان سوڭ, قۇجات بەكىتىلسە, جاڭا ەرەجە 2026 جىلدان باستاپ كۇشىنە ەنەدى.