استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى ورتالىق ساياباق اۋماعىنداعى جولدىڭ ۇستىڭگى قاباتىن توسەۋ جۇمىستارىن جۇرگىزەدى, دەپ حابارلايدى Egemen.kz.
ەلوردا اكىمدىگىنىڭ حابارلاۋىنشا, جول جوندەۋ جۇمىستارىنا بايلانىستى 28 شىلدەدەن 31 شىلدەگە دەيىن كورسەتىلگەن ۋچاسكەدە كولىك قوزعالىسى تولىعىمەن جابىلادى.
«قالا تۇرعىندارى مەن قوناقتارىنا جولداعى قوزعالىسىن الدىن الا جوسپارلاپ, باعىتتاعى ۋاقىتشا وزگەرىستەردى ەسكەرۋگە كەڭەس بەرىلەدى. قولايسىزدىقتى بارىنشا ازايتۋ جانە قوزعالىس قاۋىپسىزدىگىن قامتاماسىز ەتۋ ماقساتىندا ۋاقىتشا جول بەلگىلەرى مەن باعىت كورسەتكىشتەرى ورناتىلادى», دەلىنگەن حابارلامادا.
جۇرگىزۋشىلەر مەن جاياۋ جۇرگىنشىلەردەن تۇسىنىستىك تانىتۋ سۇرالادى.