استانا قالاسىندا تەننيستەن پرەزيدەنت كۋبوگى اياسىندا 27 شىلدە مەن 16 تامىز ارالىعىندا ATP Challenger Tour جانە ITF World Tennis Tour تۋرنيرلەرى وتەدى, دەپ حابارلايدى Egemen.kz.
بيىل 18-ءشى رەت ۇيىمداستىرىلىپ وتىرعان پرەزيدەنت كۋبوگىندا ەل نامىسىن گريگوري لوماكين, ءامىر ومارحانوۆ, زاڭعار نۇرلان ۇلى, دامير جالعاسباي, ارۋجان ساعىندىقوۆا, اسىلجان ارىستانبەكوۆا, ساندۋعاش كەنجەباەۆا جانە باسقا تەننيسشىلەر قورعايدى.
اتالمىش دودا كەزىندە دانيل مەدۆەدەۆ, اندرەي رۋبلەۆ, كارەن حاچانوۆ, سەباستيان كوردا, رومان سافيۋلين, ميومير كەتسمانوۆيچ سياقتى بەلگىلى سپورتشىلار ونەر كورسەتتى.
قازاقستان تەننيس فەدەراتسياسى پرەزيدەنت كۋبوگىن 1991 جىلدان بەرى وتكىزىپ كەلەدى. 2007 جىلى حالىقارالىق مارتەبە العان جارىستا ءار جىلدارى قازاقستاندىقتار ميحايل كۋكۋشكين مەن اندرەي گولۋبەۆ, ۋكراينالىق يليا مارچەنكو, اۋستريالىق سەباستيان وففنەر, گەرمانيا قۇراماسىنىڭ قازىرگى كاپيتانى راينەر شۋتتلەر, اۋستراليا اشىق چەمپيوناتى مەن رولان گارروس ءتۋرنيرىنىڭ جەڭىمپازى, حورۆاتيالىق يۆان دوديگ, جۇپتىق سىندا "ۇلكەن دۋلىعا" ءتۋرنيرىنىڭ ەكى دۇركىن چەمپيونى, قىتايلىق چجان شۋاي جانە باسقالار ۇزدىك شىقتى.