كيپردىڭ ليماسسول مەن پافوس ايماقتارىندا بولعان ورمان ءورتى 124 شارشى شاقىرىم اۋماقتى جايلادى. تابيعي اپاتتىڭ سالدارىنان 29 اۋىل ەلەكتر جارىعىنسىز قالعان, دەپ حابارلايدى Egemen.kz.
جەرگىلىكتى بيلىكتىڭ مالىمەتىنشە, ەكى ادام قازا تاۋىپ, وتىزعا جۋىق ادام ءتۇرلى جاراقات العان. قاۋىپتى اۋماقتاردان تۇرعىندار مەكتەپتەرگە, اكىمشىلىك عيماراتتارىنا, كىتاپحانالار مەن جەكە ۇيلەرگە كوشىرىلىپ جاتىر.
ءورتتى سوندىرۋگە يوردانيا, ەگيپەت جانە يسپانيا ماماندارى كومەكتەسكەن.
قاتتى جەل مەن اپتاپ ىستىق ءتىلسىز جاۋمەن كۇرەستى قيىنداتىپ وتىر. وبلىستا اۋا تەمپەراتۋراسى +44 گرادۋسقا دەيىن جىلىدى. بيلىك اۋا رايىنىڭ قاۋىپتى دەڭگەيىن «قىزىل» دەپ جاريالادى.