جىلۋ جەلىلەرى جوندەلىپ جاتىر

بولىنگەن قاراجاتتىڭ نەگىزگى سوماسىن, ياعني شامامەن 3 ملرد تەڭگەنى ەكىباستۇز قالاسىنىڭ جىلۋ جەلىلەرىن جاڭعىرتۋ جونىندەگى ەكى جوباعا – ورتالىق جىلۋ تاراتۋ پۋنكتىنەن 1,4 شاقىرىم جەردەگى ەلدى مەكەنگە دەيىنگى تم-I, تم-III جىلۋ ماگيسترالدارىن جوندەۋگە ءبولۋ جوسپارلانىپ وتىر. ال پاۆلودار قالاسىنا پاۆلوۆ – شەۆچەنكو – كاتاەۆ كوشەلەرى بويىنداعى شاعىن اۋداندى جىلۋمەن قامتاماسىز ەتۋگە قامزين كوشەسى جەلىسىندەگى تم-13 سالۋ جوباسىن اياقتاۋعا 802 ملن تەڭگە باعىتتالادى.

شىعىنداردىڭ جالپى سوماسى 5,8 ملرد تەڭگەنى قۇرايدى. ۇكىمەت رەزەرۆىنەن 3,8 ملرد تەڭگە ءبولىندى. قالعان 2 ملرد تەڭگە كولەمىندەگى قاراجات وبلىستىق بيۋدجەتتەن قارجىلاندىرىلدى.

2024 جىلى ۇكىمەت رەزەرۆىنەن بولىنگەن قاراجاتقا ۇزىندىعى 9 شاقىرىم ماگيسترالدىق جىلۋمەن جابدىقتاۋ جەلىلەرى جوندەلگەن. ەكى­باستۇز جەو-دا قازاندىق اگرەگاتتارى جوندەلىپ, تازارتىلعان سۋ قۇبىرى سالىندى. بۇدان بولەك, وبلىستىڭ جىلۋ بەرەتىن كاسىپورىندارىندا ۇزىندىعى 2,4 شاقىرىم جىلۋ جەلىلەرى جاڭعىرتىلدى. ونىڭ ىشىندە ء«تاريفتى ينۆەستيتسياعا ايىرباستاۋ» باعدارلاماسىنا كوشۋ شەڭبەرىندە سالىنعان, قۇنى 1,7 ملرد تەڭگە تۇراتىن 2,1 شاقىرىمدىق جىلۋ جەلىسى بار. جۇرگىزىلگەن جۇمىس ناتيجەسىندە بيىل جىل باسىندا جەلىلەردىڭ توزۋى 79,7%-عا دەيىن تومەندەدى.

وبلىس ورتالىعى مەن ەكىباستۇز قالاسىنداعى جەلىلەردىڭ توزۋىن ودان ءارى تومەندەتۋ, الداعى جىلىتۋ ماۋسىمىندا ۇزدىكسىز جىلۋمەن قامتاماسىز ەتۋ ءۇشىن جىلۋ ماگيسترالدارىنىڭ اعىمداعى رەكونسترۋكتسياسىن ۋاقتىلى اياقتاۋ قاجەت.

بىلتىر جەلتوقساندا بەكىتىلگەن «ەنەرگەتيكا­لىق جانە كوممۋنالدىق سەكتورلاردى جاڭعىرتۋ» ۇلتتىق جوباسىن جۇزەگە اسىرۋ شەڭبەرىندە پاۆلودار قالاسىنداعى 1-نو-52 جەو ۋچاسكەسىندە وتكىزۋ قابىلەتىن ارتتىرا وتىرىپ, 9,8 ملرد تەڭگە سوماعا جاڭا تم-20ا جىلۋ ماگيسترالىن سالۋ جوس­پارلانىپ وتىر. جوبا نەگىزىندە رەسپۋبليكالىق بيۋدجەتتەن قاراجات قاراستىرىلماعان قالا اۋما­عى­نىڭ 30%-ىن جىلۋمەن قامتاماسىز ەتۋ كوزدەلگەن.

«وبلىستا جىل سايىن جازعى كەزەڭدە سۋمەن جابدىقتاۋ, سۋ بۇرۋ جەلىلەرىنىڭ توزۋىن ازايتۋ ماقساتىندا دا جوندەۋ ۇزىلمەدى. بيىل 26,6 شاقىرىم سۋمەن جابدىقتاۋ جەلىسىن سالۋ, قايتا قۇرۋ جونىندە 10 جوبا قاراستىرىلىپ وتىر. سونداي-اق ۋسپەن اۋدانىنىڭ تراۆيانكا, ناداروۆكا اۋىلدارىندا 2 كەشەندى بلوك-مودۋل ورناتۋ جوسپارلانعان. جالپى, 2025 جىلدىڭ قورىتىندىسىندا جوعارىدا اتالعان ءىس-شارالار سۋمەن جابدىقتاۋ جەلىلەرىنىڭ توزۋىن 46,6%-عا (قازىر 47,1%), سۋ بۇرۋدى 72,3%-عا (قازىر 72,4%) دەيىن تومەندەتۋگە مۇمكىندىك بەرەدى. وتكەن جىلى مايقايىڭ كەنتىنىڭ سۋ قۇبىرىندا اپات بولىپ, ەلدى مەكەنگە سۋ بەرۋ قيىنداعانى ءمالىم. ۇزىندىعى 20 شاقىرىم, ديامەترى 1000 مم ماگيسترالدىق سۋ قۇبىرى قايتا جاڭارتىلدى. قازىر بارلىق قۇرىلىس-مونتاج جۇمىستارى اياقتالدى, سۋ قۇبىرى شتاتتىق رەجiمدە جۇمىس ىستەپ تۇر», دەدى پاۆلودار وبلىسىنىڭ اكىمى اسايىن بايحانوۆ.

پاۆلودار وبلىسى