ەلىمىزدە بانك كارتاسىن نەمەسە شوتقا قولجەتىمدىلىكتى ءۇشىنشى تۇلعاعا بەرۋگە قاتاڭ تىيىم سالىندى. ءتيىستى زاڭعا پرەزيدەنت قول قويدى, دەپ جازادى Egemen.kz.
كارتانى باسقاعا بەرسە, تۇرمەگە ءتۇسۋى مۇمكىن
مۇنداي ارەكەت – دروپپەرلىك دەپ اتالادى. كوپ جاعدايدا ازاماتتار ءوز كارتالارىن اقشا ءۇشىن بوتەن ادامدارعا بەرەدى. ال بۇل الاياقتىق سحەمالاردىڭ, اقشانى جىلىستاتۋدىڭ نەگىزگى قۇرالىنا اينالعان.
ەندى قىلمىستىق كودەكسكە ارنايى باپ ەنگىزىلدى. بانكتىك شوتقا, كارتاعا نەمەسە سايكەستەندىرۋ قۇرالىنا زاڭسىز قولجەتىمدىلىك بەرۋگە, ساتىپ الۋعا جانە پايدالانۋعا قىلمىستىق جازا قاراستىرىلعان.
جازا قانداي بولادى
كارتانى اقىلى تۇردە بەرۋ: 160 اەك-كە دەيىن ايىپپۇل, تۇزەتۋ جۇمىستارى, 50 تاۋلىككە دەيىن قاماۋ, مۇلكى تاركىلەنۋى مۇمكىن.– ايتارلىقتاي سىياقى السا: 3000 اەك-كە دەيىن ايىپپۇل, 1000 ساعاتقا دەيىن قوعامدىق جۇمىس, 2 جىلعا دەيىن باس بوستاندىعىنان ايىرۋ نەمەسە شەكتەۋ.– ءىرى كولەمدەگى سىياقى ءۇشىن: 4000 اەك-كە دەيىن ايىپپۇل, 3 جىلعا دەيىن تۇرمە, مۇلكى تاركىلەنەدى.– ال زاڭسىز تولەم نەمەسە اۋدارىم جاساعاندار 5 جىلعا دەيىن تۇرمەگە قامالۋى مۇمكىن.
ەگەر ادام مۇنداي ارەكەتتى العاش رەت جاساپ, ءوز ەركىمەن مويىنداسا, جاۋاپكەرشىلىكتەن بوساتىلۋى مۇمكىن.