الماتىدا بيىلعى 15 شىلدەدەن باستاپ, جەلتوقسان ايىنا دەيىن يت, مىسىقتاردى تەگىن چيپتەۋ قولعا الىندى. بۇل شارا ءۇي جانۋارىن ەسەپكە الۋ مەن قاۋىپسىزدىگىن ارتتىرۋ ماقساتىندا ۇيىمداستىرىلىپ وتىر, دەپ جازادى Egemen.kz.
قالالىق كاسىپكەرلىك جانە ينۆەستيتسيالار باسقارماسى باعدارلاما اياسىندا شامامەن 15 مىڭداي ءۇي حايۋاناتتتارىن تەگىن چيپتەۋ جوسپارلانعانىن جەتكىزدى. قىزمەت قالانىڭ بارلىق تۇرعىنىنا قولجەتىمدى.
چيپتەۋدى الدىن الا WhatsApp ارقىلى جازىلىپ, «Mastino», «Allvet», «Taugul Vet Boutique», «ايبوليت», «Dog Premium», «Dog Premium», «Vet Elite», «Banzai» سياقتى ۆەتەرينارلىق ەمحانالاردا جاساتۋعا بولادى.
سونىمەن قاتار, ۆەتەرينار ماماندار ءۇي ارالاۋ بارىسىندا ءۇي جانۋارلارىن دا چيپتەيدى. ءۇي ارالاۋ جونىندەگى وتىنىشتەر WhatsApp ارقىلى قابىلدانباق.
بۇل باعدارلاما ءۇي جانۋارلارىنىڭ سانىن رەتتەۋ, ولاردى كۇتىپ-ۇستاۋعا جاۋاپكەرشىلىكپەن قاراۋدى قالىپتاستىرۋ شارالارىنىڭ اياسىندا جۇزەگە اسىرىلىپ جاتىر.