بۇل تۋرالى بۇگىن ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ايتتى, دەپ جازادى Egemen.kz.
بۇل قارقىن العاشقى بەس ايعا قاراعاندا 0,2%-عا جوعارى جانە كەيىنگى 14 جىلداعى ءجىو ءوسۋىنىڭ ەڭ جوعارى كورسەتكىشى بولىپ تىركەلگەن. ال وتكەن جىلدىڭ سايكەس كەزەڭىمەن سالىستىرعاندا ءوسىم 3,2 پايىزعا كوپ.
ەكونوميكانىڭ ناقتى سەكتورى +8 پايىزعا, قىزمەت كورسەتۋ سالاسىندا 5,2 پايىزعا وڭ ناتيجە تىركەلگەن. سونداي-اق, كولىك (+22,7%) جانە قۇرىلىس (+18,4%) سالالارى دا ەكونوميكانىڭ وسۋىنە ايتارلىقتاي ۇلەس قوسقان. ساۋدادا جاندانۋ جانە تاۋ-كەن ونەركاسىبىندە تۇراقتى ءوسىم بايقالىپ وتىر (+8,4%).وڭدەۋ سەكتورى 5,5%-عا, ال اۋىل شارۋاشىلىعى 3,7%-عا ارتقان.
ينۆەستيتسيا يگىلىگى دە ەل ەكونوميكاسىنىڭ ورلەۋىنە وڭ سەپ بولىپ وتىر. ماسەلەن, نەگىزگى كاپيتالعا سالىنعان ينۆەستيتسيالار 19,3%-عا وسكەن. ناتيجەلى كورسەتكىشتەر بولاشاق ەكونوميكاسىن قالىپتاستىراتىن سالالاردا: ءبىلىم بەرۋ 3,5 ەسەگە, قارجى جانە ساقتاندىرۋ قىزمەتى – 86,2%-عا, وڭدەۋ ونەركاسىبى - 48,9%-عا, دەنساۋلىق ساقتاۋ - 32,8%-عا جانە كولىك - 16,2%-عا ارتقان.
سونىمەن قاتار, وسى جىلدىڭ قاڭتار-مامىر ايلارىنىڭ قورىتىندىسى بويىنشا سىرتقى ساۋدا تاۋار اينالىمى $53,5 ملرد-تى قۇراعان. ەكسپورت $29,8 ملرد-قا جەتكەن. بۇل رەتتە وڭدەلگەن تاۋارلاردى شەتەلگە ساتۋ ۇلەسى $10,2 ملرد-تى, يمپورت 2,2%-عا ارتىپ, $23,8 ملرد-تى قۇراعان.
ايتا كەتەيىك, قازاقستان ەكونوميكاسى جىلدىڭ العاشقى 4 ايىندا 6 پايىز ءوسىم كورسەتكەن بولاتىن.