اتىراۋدا نايزاعاي جارقىلى تۇسكەن 2 قاباتتى تۇرعىن ءۇي ورتەنىپ كەتتى. اتىراۋ وبلىستىق توتەنشە جاعدايلار دەپارتامەنتىنىڭ يميدجدىك جۇمىستار جانە سىرتقى كوممۋنيكاتسيالار توبىنىڭ اقپاراتىنا سۇيەنسەك, وقيعا كەشە, 13 شىلدەدە كەشكى ساعات 19:47-دە بولعان, دەپ حابارلايدى Egemen.kz.
« اتىراۋ قالاسىنداعى حيميكتەر اۋىلىندا تۇرعىن ۇيگە نايزاعاي ءتۇستى. سونىڭ سالدارىنان تاۋكە حان كوشەسىندە ورنالاسقان 2 قاباتتى تۇرعىن ءۇي ورتەندى. وقيعا ورنىنا ءورت ءسوندىرۋ قىزمەتى جەدەل جەتىپ, جالىندى ساعات 20:23-تە وقشاۋلادى. ءورت ساعات 20:59-دا تولىقتاي ءسوندىرىلدى», دەپ حابارلادى دەپارتامەنتتىڭ يميدجدىك جۇمىستار جانە سىرتقى كوممۋنيكاتسيالار توبى.
جالىندى سوندىرۋگە اتىراۋ وبلىستىق توتەنشە جاعدايلار دەپارتامەنتىنەن 18 قىزمەتكەر, 4 تەحنيكا تارتىلعان.