وڭتۇستىك كورەيادا تاەكۆوندودان وتكەن World Taekwondo Diamond Game G-4 ءتۋرنيرى بويىنشا قازاقستان قۇراماسى قورجىنىندا 6 مەدال بار, دەپ جازادى Egemen.kz.
ارالاس كوماندالىق سايىستا (مەرگەن عانيەۆ, ابدۋراحمون ماريپوۆ, كاميلا ايمۋكاشەۆا, ايدا تاۋكەنوۆا) فينالعا دەيىن جەتكەن قازاقستان قۇراماسى شەشۋشى كەزدەسۋدە وزبەكستاننىڭ B قۇراماسىنا 0:2 كورسەتكىشىمەن ەسە جىبەرىپ, ءتۋرنيردى كۇمىس مەدالمەن اياقتادى.
بۇعان دەيىن قازاقستان ايەلدەر قۇراماسى كۇمىس مەدال جەڭىپ العان.
ايتا كەتەلىك, قازاق سپورتشىلارى جەكەلەي سايىستا دا جەڭىس تۇعىرلارىنان كورىندى. ناقتى اتاعاندا, بەكاسىل ەرگەش (80 كەلىگە دەيىن) جانە اياۋلىم اسقار (67 كەلىگە دەيىن) كۇمىس جۇلدەگەر اتانسا, نۇربەك عازەز (68 كەلىگە دەيىن) جانە الميرا قانات (57 كەلىگە دەيىن) قولا مەدالعا قول جەتكىزدى.