ەلىمىزدە ۇستازداردى قولداۋعا باعىتتالعان «ۇزدىك پەداگوگ» باي̆قاۋى باستالدى. وقۋ-اعارتۋ مينيسترلىگىنىڭ حابارلاۋىنشا, جەڭىمپازدارعا 1000 اەك (3,9 ملن تەڭگە) كولەمىندە مەملەكەتتىك سىياقى تابىستالادى, دەپ جازادى Egemen.kz.
«ۇزدىك پەداگوگ» رەسپۋبليكالىق كونكۋرسى 2012 جىلدان بەرى ءداستۇرلى تۇردە ۇيىمداستىرىلىپ كەلەدى. وسى ۋاقىتقا دەي̆ىن 700-گە جۋىق پەداگوگ كونكۋرس جۇلدەگەرى اتانعان.
«ۇزدىك پەداگوگ» اتاعىنا ءبىلىم بەرۋ ۇي̆ىمدارىندا جۇمىس ىستەي̆تىن جانە قۇجاتتاردى تاپسىرۋ كەزىندە كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر ۇمىتكەر بولا الادى.
جارىسقا مەكتەپكە دەي̆ىنگى, ورتا, تەحنيكالىق جانە كاسىپتىك ءبىلىم بەرۋ ۇي̆ىمدارىنىڭ پەداگوگتەرى قاتىسا الادى.
كونكۋرس ءۇش كەزەڭنەن تۇرادى:
1-كەزەڭ – اۋداندىق, قالالىق دەڭگەي̆ (8-25 شىلدە);
2-كەزەڭ – وبلىستىق دەڭگەي̆ (28 شىلدە- 15 تامىز);
3-كەزەڭ – رەسپۋبليكالىق دەڭگەي̆ (18 تامىز – 18 قىركۇيەك).
ەكى كەزەڭنىڭ قورىتىندىسى بوي̆ىنشا ەڭ جوعارى ۇپاي̆ جيناعان پەداگوگتەر رەسپۋبليكالىق دەڭگەي̆گە وتەدى. باي̆قاۋعا قاتىسۋعا وتىنىمدەردى قابىلداۋ, تىركەۋ, كونكۋرس قۇجاتتارىن تاپسىرۋ, باعالاۋ uzdikustaz-nobd.edu.kz ۆەب-پورتالى ارقىلى جۇزەگە اسىرىلادى.
مينيسترلىك باي̆قاۋ اياسىندا مۇعالىمنىڭ ءبىلىم سالاسىن دامىتۋعا قوسقان ۇلەسى, ۇستاز قىزمەتىنىڭ تيىمدىلىگى مەن ونىڭ كاسىبي شەبەرلىگى دە ەسكەرىلەتىنىن اتاپ وتكەن.