ايىم جانە گ ۇلىم ورىنباسار – تۇركىستان وبلىسىنىڭ قازىعۇرت اۋىلىندا تۋعان ەگىز قىزدار. ولاردىڭ ەكەۋى دە اۋىل بالالارىنا تەگىن ءبىلىم سىيلاپ, الەمنىڭ ۇزدىك جوعارى وقۋ ورىندارىنا دايىندايتىن IQanat High School of Burabay مەكتەبىنە وقۋعا ءتۇسۋدى ماقسات ەتتى. دەگەنمەن, ىرىكتەۋدەن ءوتۋ وڭاي بولعان جوق: IQanat وليمپياداسىنا 50 مىڭ بالا قاتىسسا, بيىل ولاردىڭ تەك 250-ءى عانا گرانت يەلەندى, دەپ جازادى Egemen.kz.
ەگىز باۋىرلار ءبىر جىل بويى دايىندالىپ, وليمپيادانىڭ ءۇش كەزەڭىنەن ءساتتى ءوتىپ, 1000 فيناليست قاتارىندا الماتىداعى فينالعا كەلدى. الايدا, مەدەۋدەگى ماراپاتتاۋ راسىمىندە ولاردىڭ بىرەۋى عانا گرانت جەڭگەنى بەلگىلى بولدى: ەندى ەگىزدەردىڭ ەكى بولىنۋىنە تۋرا كەلەدى.
«بىراق, كوپ ادام ىشىندە ولاردى ەشكىم كوزگە ءىلىپ جاتقان جوق. تەك تيميرلان گۋمباتوۆتىڭ جۇبايى يرادا عانا جانارى جاسقا تولعان قىزداردىڭ ءبىرى باۋىرىنا ءوز سەرتيفيكاتىن ۇسىنىپ جاتقانىن كورىپ قالادى. ول كۇيەۋىنە قاراپ: «قاراشى, ەگىز قىزداردىڭ بىرەۋى عانا جەڭگەن سياقتى...» دەدى. تيميرلان دەرەۋ ۇيىمداستىرۋشىلاردان جاعدايدى انىقتاپ سۇراپ, ەگىزدەردىڭ ەكىگە ءبولىنۋ قاۋپى تۋىپ تۇرعانىنا كوزى جەتكەن سوڭ, بار بولعانى بىرنەشە مينۋت ىشىندە – ءدال سول سالتاناتتى ءراسىم بارىسىندا ەگىزدىڭ ەكىنشى سىڭارىنا 3 جىلدىق دەربەس گرانت بەرۋ تۋرالى شەشەدى. ال بۇل دەگەنىڭىز – 21 ملن تەڭگە! دەربەس گرانت الۋ ءۇشىن ايىم دا ساحناعا شىقتى – قىزداردىڭ قۋانىشىندا جەك شوق, قاتىسۋشىلاردىڭ ءبارىنىڭ جانارى جاسقا تولدى! 1000 بالا جانە 100 كاسىپكەر! ناعىز حەپپي ەند!» – دەپ جازدى بۇل وقيعا جايىندا IQanat جوباسىنىڭ باستاماشىسى ءارى قامقورشىسى ايدىن راحيمباەۆ.
قامقورشىلاردىڭ ءبىرىنىڭ جۇبايى يرادا گۋمباتوۆا جەڭىمپاز قىزدىڭ ءوز سەرتيفيكاتىن باۋىرىنا بەرگىسى كەلىپ جىلاپ تۇرعان ءساتىن بايقاپ قالادى دا, بۇل تۋرالى كۇيەۋى – كاسىپكەر تيميرلان گۋمباتوۆقا ايتادى. ول ويلانباستان شەشىم قابىلدادى. «ەگەر قىزدار ۇنەمى بىرگە بولسا – وندا ارمانىنا دا بىرگە قادام باسسىن» دەگەن كاسىپكەر ايىمعا IQanat مەكتەبىندە ءۇش جىل وقۋعا ارنالعان قۇنى 20 ملن تەڭگەدەن اساتىن دەربەس گرانت سىيلادى.
قىزداردىڭ وتباسى شالعايدا, وزبەكستانمەن شەكارادا ورنالاسقان قازىعۇرت اۋىلىندا تۇرادى. اناسى تاربيەشى بولسا, اكەسى جىل ماۋسىمىنا قاراي كوكونىس پەن ۇن ساتادى. وتباسىندا 6 بالا بار. سوندىقتان, ەگىزدەر ءۇشىن بۇل گرانت ءوز بولاشاعىن وزگەرۋدىڭ مۇمكىندىگىنە اينالدى.
ايىم مەن گ ۇلىمنىڭ وقيعاسى – IQanat-2025 وليمپياداسىنىڭ فينالىندا بولعان كوپ وقيعانىڭ ءبىرى عانا. جوسپارلى 250 گرانتتان بولەك, تاعى 20 بالا سالتاناتتى ءراسىم كەزىندە كاسىپكەرلەردەن دەربەس گرانتتار يەلەندى.
IQanat جوباسى مىڭداعان اۋىل بالاسىنا كومەكتەستى. تۇلەكتەردىڭ 94%-ى گرانت نەگىزىندە الەمنىڭ 17 ەلىندە ءبىلىم الىپ جاتىر. ءاربىر بالانىڭ جەتىستىگىنىڭ ارتىندا قامقورشى مەتسەناتتار تۇر. بۇگىندە جوباعا قازاقستاندىق 230 كاسىپكەر قاتىسىپ, بۇكىل ەل بويىنشا اۋىل بالالارىنىڭ دامۋىنا جانە ساپالى ءبىلىم الۋىنا ءوز ۇلەسىن قوسىپ جاتىر.