مەملەكەت باسشىسى الجير پرەزيدەنتى ابدەلماجيد تەببۋنعا قۇتتىقتاۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى حابارلادى.
قاسىم-جومارت توقاەۆ ابدەلماجيد تەببۋن مەن ونىڭ وتانداستارىن الجير حالىق دەموكراتيالىق رەسپۋبليكاسىنىڭ ۇلتتىق مەيرامى – تاۋەلسىزدىك كۇنىمەن قۇتتىقتادى.
پرەزيدەنت الجير مەملەكەتىنىڭ ءوسىپ-وركەندەي بەرۋىنە تىلەكتەس ەكەنىن جەتكىزدى. سونداي-اق قازاقستان مەن الجير اراسىنداعى ءداستۇرلى دوستىق پەن ءوزارا تۇسىنىستىككە نەگىزدەلگەن سەرىكتەستىك ەكى ەل حالىقتارىنىڭ يگىلىگى ءۇشىن ودان ءارى نىعايا بەرەتىنىنە سەنىم ءبىلدىردى.