مەملەكەت باسشىسى قاسىم-جومارت توقاەۆ شىلدە ايىنىڭ العاشقى جەكسەنبىسىندە اتالىپ وتەتىن ۇلتتىق دومبىرا كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«دومبىرا – ۇلت بولمىسى, حالىق قازىناسى. «قازاق – ناعىز قازاق ەمەس, ناعىز قازاق – دومبىرا». اسىرەسە, وسكەلەڭ ۇرپاقتىڭ دومبىراعا دەگەن ىقىلاسى ەرەكشە. جاستار ءتول مادەنيەتىمىزدى تەرەڭ ءتۇسىنىپ, سالت-داستۇرىمىزگە قۇرمەتپەن قارايدى. بۇل – وتە جاقسى ءۇردىس. ويتكەنى اتا-بابالارىمىزدىڭ مادەني مۇراسىن كوزدىڭ قاراشىعىنداي ساقتاۋ – ناعىز وتانشىلدىقتىڭ كورىنىسى. وتانعا سۇيىسپەنشىلىك – مەملەكەتتىلىگىمىزدىڭ تەمىرقازىعى. قازاقستان جاستارىنىڭ مۇنى جاقسى ءتۇسىنىپ, قولدايتىنىنا ريزامىن. مەملەكەت رۋحانيات سالاسىن بارىنشا دامىتا بەرەدى. ءداستۇرلى ونەردىڭ دۇلدۇلدەرى قايرات بايبوسىنوۆ «قازاقستاننىڭ ەڭبەك ەرى», ايگۇل ۇلكەنباەۆا, ايگۇل قوسانوۆا «قازاقستاننىڭ حالىق ءارتىسى» اتاعىنا يە بولدى. قاسيەتتى قارا دومبىرانىڭ كۇمبىرىن بۇكىل الەمگە پاش ەتىپ جۇرگەن ازاماتتارعا العىس ايتامىن», دەپ جازدى قاسىم-جومارت توقاەۆ ءوزىنىڭ X پاراقشاسىندا.