قىتايدىڭ ورتالىق جانە وڭتۇستىك وڭىرلەرىندە بولعان سۋ تاسقىنى سالدارىنان كەمىندە توعىز ادام قازا تاۋىپ, ون مىڭداعان ادام ۇيلەرىن تاستاپ كەتۋگە ءماجبۇر بولدى, دەپ حابارلايدى Egemen.kz Associated Press اگەنتتىگىنە سىلتەمە جاساپ.
تابيعي اپات ەڭ قاتتى اسەر ەتكەن ايماقتار — حەنان, حۋبەي جانە گۋيچجوۋ پروۆينتسيالارى. بۇل وڭىرلەردە وزەندەر ارناسىنان اسىپ, كوشەلەر مەن ۇيلەردى, ساۋدا ورىندارىن سۋ باستى. كەيبىر جەرلەردە سۋ بوگەتتەردى بۇزىپ, ينفراقۇرىلىمعا ەداۋىر زالال كەلتىرگەن.
قازىرگى تاڭدا سەگىز ادام ءىز-ءتۇزسىز جوعالىپ كەتكەن. قۇتقارۋ قىزمەتتەرى ىزدەستىرۋ جانە ەۆاكۋاتسيالىق جۇمىستاردى جالعاستىرىپ جاتىر.
ساراپشىلار بيىلعى سۋ تاسقىنىن سوڭعى جىلدارداعى ەڭ اۋقىمدى اپاتتاردىڭ ءبىرى رەتىندە باعالاپ وتىر. ماماندار ۋربانيزاتسيا قارقىنىنىڭ جوعارى بولۋى تابيعي اپات سالدارىن اۋىرلاتىپ وتىرعانىن العا تارتقان.