اقتوبە قالاسىندا اۋقىمدى اۋلا اۋماقتارىن كەشەندى اباتتاندىرۋ جوباسى ىسكە اسىرىلىپ جاتىر. جوبا بارىسىندا تۇرعىنداردىڭ پىكىرلەرى ەسكەرىلىپ وتىر. اۋلالاردىڭ بىرىندە – تۇرعىندار سۇرانىسى بويىنشا اۆتوتۇراقتار كەڭەيتىلسە, ەندى بىرىندە – بالالار جانە سپورت الاڭدارى سالىنىپ جاتىر, دەپ جازادى Egemen.kz.
جاياۋ جۇرگىنشىلەر جولدارىن توسەۋ, اسفالت استىنا گەoتورلار ورناتۋ, كىرەبەرىستەردى اسفالتتاۋ, بورديۋر ورناتۋ, جاڭبىر سۋىن اعىزۋ جۇيەسى, جارىقتاندىرۋ, ورىندىقتار-قوقىس جاشىكتەرىن ورناتۋ سەكىلدى بىرنەشە باعىت بويىنشا جۇرگىزىلىپ, جوندەۋ جۇمىستارى 158 كوپقاباتتى تۇرعىن ءۇيدىڭ اۋلالارىن قامتىپ وتىر.
باعدارلاما قاۋىپسىزدىككە باسىمدىق بەرەدى. اۋلا كەڭىستىگىن جايلى ەتۋ ارقىلى جەرگىلىكتى بيلىك بالالاردىڭ ءۇي ماڭىندا ەركىن ويناۋىنا, اتا-انالاردىڭ ولاردىڭ قاۋىپسىزدىگىنە الاڭداماۋىنا جاعداي جاساۋدى كوزدەيدى.
اقتوبە وبلىسى اكىمدىگىنىڭ مالىمەتىنشە اباتتاندىرۋ جۇمىستارى مۇنىمەن شەكتەلمەك ەمەس: كەلەسى جىلى تاعى 100 اۋلا جوندەلمەك.
كوگالداندىرۋ جۇمىستارىنا دا ەرەكشە نازار اۋدارىلىپ, اعاشتار مەن بۇتالار وتىرعىزۋ جوسپارعا ەنگىزىلگەن. بۇل باعىتتاعى مىندەت تۇرعىن ءۇي يەلەرىنىڭ بىرلەستىكتەرىنە جۇكتەلىپ, جاسىل ايماقتار مەن ولاردىڭ كۇتىمى ءۇشىن جاۋاپتى بولادى.