پەتروپاۆل قالاسىندا «زاماناۋي ۇنمەن ۇندەسكەن داۋىس: ازاماتتىق قوعام جانە ۇلتتىق قۇندىلىقتار» ۇرانىمەن ۇكىمەتتىك ەمەس ۇيىمداردىڭ XII وبلىستىق ازاماتتىق فورۋمى ۇيىمداستىرىلدى, دەپ حابارلايدى Egemen.kz.
فورۋم اياسىندا ۇكىمەتتىك ەمەس ۇيىمدار كوشباسشىلارى, مەملەكەتتىك ورگانداردىڭ وكىلدەرى, ساياسي پارتيالار, ساراپشىلار مەن بۇقارالىق اقپارات قۇرالدارى ءبىر الاڭدا باس قوستى.
فورۋمنىڭ باستى ماقساتى – مەملەكەت پەن ءۇشىنشى سەكتور اراسىنداعى ديالوگتى نىعايتۋ, وزەكتى ماسەلەلەردى تالقىلاۋ جانە ازاماتتىق قوعامدى دامىتۋ جولىندا بىرلەسكەن شەشىمدەر قابىلداۋ.
فورۋم بارىسىندا ءسوز سويلەگەن قر مادەنيەت جانە اقپارات ۆيتسە-ءمينيسترى ايزادا امانگەلدينقىزى قۇرمانوۆا, 2025 جىلى تەك سولتۇستىك قازاقستان وبلىسىنىڭ وزىندە ۇكىمەتتىك ەمەس ۇيىمدار جۇزەگە اسىراتىن جالپى سوماسى 400 ملن تەڭگەگە جۋىق 121 جوبا جوسپارلانعانىن اتاپ ءوتتى.ونىڭ ىشىندە الەۋمەتتىك جاعىنان وسال توپتاردى قولداۋ, حالىقتى جۇمىسپەن قامتۋعا جاردەمدەسۋ, ۆولونتەرلىكتى دامىتۋ جانە ومىرلىك قيىن جاعدايداعى ازاماتتارعا كومەك كورسەتۋ – باستى نازاردا.
فورۋم قورىتىندىسى بويىنشا مەملەكەت پەن ازاماتتىق سەكتور اراسىنداعى ءوزارا ءىس-قيمىلدىڭ باسىم باعىتتارى ايقىندالدى. قاتىسۋشىلار تابىستى تاجىريبەلەرىمەن ءبولىسىپ, ۇەۇ قىزمەتىنىڭ تيىمدىلىگىن ارتتىرۋعا باعىتتالعان باستامالار ۇسىندى. الەۋمەتتىك ماسەلەلەردى شەشۋدە جۇيەلى ديالوگ پەن سەرىكتەستىكتىڭ ماڭىزدىلىعى تاعى ءبىر مارتە راستالدى.