ىزگىلىك, ادامگەرشىلىك, ار-ۇيات جەڭىسى – كۇندەلىكتى جان دۇنيەمىزدە باسەكەگە تۇسەتىن ۇعىمدار. بالا كۇنىمدە وسىنداي ادامدىق باسەكەسىنە كۋا بولعانىم بار ەدى.
2010 جىلدىڭ جاز مەزگىلى-ءتىن. 10-سىنىپتى بىتىرگەن ءورىم كەزىم. القاپتا قاربىز ارتىپ جۇرگەنىمىزدە, كەنەت ەكى اۋىلداس اعام شەكىسىپ قالىپ, «مەن سەن سەكىلدى ءالى كۇنگە دوپ قۋىپ جۇرگەن جوقپىن» دەدى ءبىرى. ەكىنشىسى «دوپ قۋسام دا ۇپايىم تۇگەل, مەن ءتۇبى سەنەن وزامىن!» دەدى ج ۇلىپ العانداي. «كەل باستەسەيىك, وسىدان 4 جىلدان كەيىن كىمنىڭ وزارىن كورەيىك, سوندا كورەرسىڭ كىمنىڭ كىم ەكەنىن» دەپ اقىرى ەكەۋى قول الىستى.
سودان بەرى, مىنە, ءتورت جىل دا وتە شىقتى. قازىر ەكەۋىنىڭ دە جاسى جيىرما بەستەن اسىپ جىعىلعان. بىراق ەكەۋىنىڭ دە نە وزگەرگەن, نە قوپارىپ تاستاعان تۇگى جوق. سول باياعى سۇيكىمسىز مىجىرايعان ۇيلەر, باتپاققا بەلشەسىنەن باتقان ەسىك الدىنداعى اربا, اقجەمتىر بولىپ كەتكەن شاتىرلار... بىردە اۋىلدا ءبىرىن كەزدەستىرىپ قالىپ «وسىدان ءتورت جىل بۇرىنعى باستەسكەنىڭ ەسىڭدە مە؟» دەدىم, الگى جىگىتىم جارقىراي ك ۇلىپ, «قانداي باستەسۋ, سەن دە جۇرگەن قيالسىڭ» دەدى دە قويدى.
مەنىڭ بىلگىم كەلگەنى, ادامدار راسىندا وزگەرە الا ما؟ نەمەسە تاعدىرمەن سوقىرتەكە ويناپ ءجۇرىپ وقىستان ءسۇرىنىپ قالىپ, باباسىنىڭ باباسىن قايتالاپ «ادامدىق قوقىسىنا» تاستالا ما؟ بالا كۇنىمدە ءبىر كىسىنى قۇداي دەپ ويلايتىنمىن. ءبىر كۇنى كوشەدە قۇلاپ جاتقانىن كورىپ «قۇداي بولسا نەگە قۇلايدى؟» دەپ ۇزاق ويلانعانىم ءالى ەسىمدە. شىنىندا تىرشىلىك بار بولعانى گيتلەرشە ايتقاندا «ولىمگە كەزەككە تۇرۋ» عانا بولعانى ما؟!
ادامدىق باسەكەسى – ماڭگىلىك بىتىسپەس مايدان. بۇل مايدان جان دۇنيەمىزدە توقتاعان كۇنى, ءبىزدىڭ سانالى تىرشىلىگىمىز دە توقتايدى.