پرەمەر-مينيستر ولجاس بەكتەنوۆ كولىك مينيسترلىگى ۇجىمىنا مەملەكەت باسشىسىنىڭ جارلىعىمەن تاعايىندالعان ۆەدومستۆونىڭ جاڭا باسشىسى نۇرلان ساۋرانباەۆتى تانىستىردى, دەپ حابارلايدى Egemen.kz.
تانىستىرۋ بارىسىندا نۇرلان ساۋرانباەۆتىڭ كولىك سالاسىنداعى تاجىريبەسى اتاپ ءوتىلدى. پرەمەر-مينيستر مەملەكەت باسشىسىنىڭ مينيسترلىك ۇجىمى الدىنا قويىپ وتىرعان باسىم مىندەتتەردى اتاپ ءوتتى. سونىڭ ىشىندە, قاۋىپسىزدىك كەڭەسى وتىرىسىندا بەرىلگەن تاپسىرمالاردى ەسكەرە وتىرىپ, ينفراقۇرىلىمدىق جوبالاردى جۇزەگە اسىرۋ شەڭبەرىندە پورتتاردى, لوگيستيكالىق حابتاردى, حالىقارالىق اۆتو جانە تەمىرجول دالىزدەرىن دامىتۋ قاجەت.سونداي-اق اۆتوجول سالاسىن دامىتۋعا, اسىرەسە ءىرى جوبالاردىڭ جۇزەگە اسىرىلۋ ساپاسىن باقىلاۋعا نازار اۋدارۋ تاپسىرىلدى.اۆياتسيا سالاسىندا باسىم مىندەتتەر قاتارىندا ينفراقۇرىلىمدى جاڭعىرتۋ, اۋەجايلار سالۋ جانە رەكونسترۋكتسيالاۋ, حالىقارالىق باعىتتار جەلىسىن كەڭەيتۋ, سونداي-اق جالپى ماقساتتاعى اۆياتسيانى دامىتۋ اتاپ ءوتىلدى.