جامبىل وبلىسى اكىمدىگىنىڭ قولداۋىمەن, مادەنيەت جانە تىلدەردى دامىتۋ باسقارماسىنىڭ وبلىستىق حالىق شىعارماشىلىعى ورتالىعى جانە تالاس اۋدانى اكىمدىگىنىڭ ۇيىمداستىرۋىمەن مايتوبە اۋىلىنىڭ باۋرايىندا اۋىلدىق كلۋبتار اراسىندا Art-تيمبيلدينگ ءىس-شاراسى ءوتتى, دەپ حابارلايدى Egemen.kz.
ەكى كۇنگە جالعاسقان ءىس-شارادا ءار كوماندا 40 مينۋتتىق كونتسەرتتىك باعدارلامالارىن ۇسىنىپ, ءوز اۋدانىنداعى مادەنيەت ۇيلەرىنىڭ تىنىس-تىرشىلىگىن جان-جاقتى تانىستىردى. سونىمەن قاتار, ينتەللەكتۋالدىق جانە شىعارماشىلىق تاپسىرمالاردا تاپقىرلىق تانىتىپ, ءتۇرلى ويىندار مەن بايقاۋلارعا بەلسەنە قاتىستى.
ءىس-شارا ونەر مەن بىرلىكتى, رۋح پەن شابىتتى ۇشتاستىرعان جارقىن جاڭالىققا تولى بولدى. قازىلار القاسى قاتىسۋشىلاردىڭ كاسىبي شەبەرلىگى مەن توپتىق ۇيلەسىمدىلىگىنە نازار اۋدارىپ, ۇزدىكتەردى انىقتادى.
بايقاۋ قورىتىندىسى بويىنشا باس جۇلدەنى تالاس اۋدانى جەڭىپ الدى. ءى ورىن بايزاق اۋدانىنا, ءىى ورىن مەركى اۋدانى, ءىىى ورىن سارىسۋ اۋدانىنا بۇيىردى. جەڭىمپازدار مەن جۇلدەگەرلەردى جامبىل وبلىسى اكىمدىگىنىڭ مادەنيەت جانە تىلدەردى دامىتۋ باسقارماسىنىڭ باسشىسى ەرلان ءجۇنىسباي ارنايى ماراپاتتادى. باسقا دا ەرەكشە ونەر كورسەتكەن كوماندالار ىنتالاندىرۋ سىيلىقتارىنا يە بولدى.
وسىلايشا, ەكى كۇنگە سوزىلعان «اۋىل-Club» Art-تيمبيلدينگى اۋىل مادەنيەتىنىڭ جاڭا تىنىسىن اشىپ, شىعارماشىل جانداردىڭ باسىن قوسقان يگى الاڭعا اينالدى.