ەلىمىزدە تەلەفون قۇرىلعىلارىن ۆەريفيكاتسيالاۋ قىزمەتىن بىرنەشە جەكە كومپانيا اتقاراتىن بولدى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى دوسجان مۇساليەۆ مالىمدەدى, دەپ جازادى Egemen.kz.
ونىڭ ايتۋىنشا, قۇرىلعىلاردى سايكەستەندىرۋ جۇيەسىن جىلدام ەنگىزۋدىڭ ەڭ ءتيىمدى جولى – جەكە سەكتوردى تارتۋ.
«بۇل – جۇيەنى ىسكە قوسۋداعى ەڭ جىلدام ءارى يكەمدى ءادىس. ءبىز ناقتى تالاپتار بەلگىلەپ, اشىق ىرىكتەۋ جۇرگىزدىك. ATS Mediafon KZ كومپانياسى سول تالاپتارعا ءبىرىنشى بولىپ ساي كەلىپ, قىزمەتتى باستاپ كەتتى», دەدى ۆيتسە-مينيستر سەناتتا وتكەن بريفينگتە.
مينيسترلىك ۆەريفيكاتسيا قىزمەتىن ۇسىناتىن كومپانيالاردى انىقتاۋ ءۇشىن كونكۋرس نەمەسە تەندەر وتكىزبەيدى. بۇل سالاعا كەز كەلگەن ۇيىم ارنايى تالاپتارعا ساي كەلگەن جاعدايدا قوسىلا الادى.
«بۇل رەتتە ەشقانداي مونوپوليا بولمايدى. قازىردىڭ وزىندە ەكى كومپانيا نيەت ءبىلدىردى. ياعني قىزمەتتى بىرنەشە ۇيىم اتقارادى. سونىمەن قاتار بۇل جەكە تۇلعالارعا قوسىمشا سالماق سالمايدى. پروتسەسس تەك بيزنەس پەن ۆەريفيكاتسيا وپەراتورلارى اراسىندا جۇرەدى», دەپ ناقتىلادى دوسجان مۇساليەۆ.
ايتا كەتەيىك, ەلىمىزگە 2025 جىلعى 25 ناۋرىزدان كەيىن اكەلىنگەن بارلىق تەلەفوندار IMEI-كود ارقىلى مىندەتتى تۇردە ۆەريفيكاتسيادان ءوتۋى ءتيىس. بۇعان دەيىن تىركەلگەن قۇرىلعىلار اۆتوماتتى تۇردە ۆەريفيكاتسيالانعان بولىپ سانالادى.
جاڭا ەرەجەگە سايكەس, العاشقى ەكى اي ىشىندە كاسىپكەرلەر بۇل قىزمەتتى تەگىن پايدالانا الدى. ال 25 مامىردان باستاپ ءار قۇرىلعى ءۇشىن 1 اەك كولەمىندە (2025 جىلى – 3932 تەڭگە) تولەم تولەۋگە مىندەتتى.